ദുബായ് ഗ്ലോബൽ വില്ലേജിന്റെ ഇരുപത്തിയാറാം സീസണിലെ അവസാന ആഴ്ചയിലേക്കെത്തുമ്പോൾ പ്രവർത്തന സമയം നീട്ടി. വൈകുന്നേരം 5 മണി മുതൽ വെളുപ്പിനെ 2 മണി വരെയാണ് സമയം നീട്ടിയത്. ഈ ആഴ്ച എല്ലാ രാത്രിയിലും കരിമരുന്ന് പ്രയോഗങ്ങൾ ഉണ്ടാകും. മെയ് 7 വരെയാണ് വൈകുന്നേരം 5 മണി മുതൽ വെളുപ്പിനെ 2 മണി വരെ ഗ്ലോബൽ വില്ലേജ് തുറന്നിരിക്കുകയെന്ന് സംഘാടകർ അറിയിച്ചു.
മുൻവർഷങ്ങളിൽ വേനൽ കടുക്കുമ്പോൾ ഏപ്രിൽ ആദ്യവാരത്തിൽ ഗ്ലോബൽ വില്ലേജ് അടക്കാറാണ് പതിവ്.
മെയ് 6 വരെ, സന്ദർശകർക്ക് എൻട്രി ടിക്കറ്റ് വാങ്ങി ഫാമിലി ഡെസ്റ്റിനേഷൻ ഈദ് ഗ്രാൻഡ് പ്രൈസ് നറുക്കെടുപ്പിൽ പങ്കെടുക്കാം. നറുക്കെടുപ്പിലെ വിജയികളെ ഈ സീസൺ അവസാന ദിനമായ മെയ് 7 ന് പ്രഖ്യാപിക്കും.
