യുഎഇയിലെ സ്കൂൾ ബസുകളിൽ സ്വ​യം​നി​യ​ന്ത്രി​ത അ​ഗ്നി​ര​ക്ഷ ഉ​പ​ക​ര​ണം ഘ​ടി​പ്പിച്ച് ദുബായ് ടാ​ക്സി കോ​ർ​പ​റേ​ഷ​ൻ 

സ്കൂ​ൾ ബ​സു​ക​ളി​ലും ടാ​ക്സി​ക​ളി​ലും സ്വ​യം​നി​യ​ന്ത്രി​ത അ​ഗ്നി​ര​ക്ഷ ഉ​പ​ക​ര​ണം ഘ​ടി​പ്പി​ച്ച് ദു​ബായ് ടാ​ക്സി കോ​ർ​പ​റേ​ഷ​ൻ (ഡി.​ടി.​സി). ക​ടു​ത്ത ചൂ​ടി​ൽ വാ​ഹ​ന​ത്തി​ന്റെ എ​ൻ​ജി​ന് തീ​പി​ടി​ച്ചാ​ൽ സ്വ​യം പ്ര​വ​ർ​ത്തി​ച്ച് തീ​യ​ണ​ക്കാ​ൻ ക​ഴി​യു​ന്ന​ വി​ധ​ത്തിലാണ് ഉ​പ​കരണം രൂ​പ​ക​ൽ​പ​ന ചെയ്തിരിക്കുന്നത്. ഇ​ത് പ്ര​വ​ർ​ത്തി​പ്പി​ക്കുന്നതിന് മ​നു​ഷ്യ ഇ​ട​പെ​ട​ൽ ആ​വ​ശ്യ​മി​ല്ല. വാ​ഹ​ന​ത്തി​ൽ തീ​പി​ടി​ത്തം ഉ​ണ്ടാ​യ ഭാ​ഗം സ്വ​യം ക​ണ്ടെ​ത്തുകയും ആ ​ഭാ​ഗ​ത്തേ​ക്ക്‌ പ്ര​ത്യേ​ക ട്യൂ​ബ് ഉ​പ​യോ​ഗി​ച്ച് തീ ​അ​ണ​ക്കു​ന്ന​തി​നു​ള്ള രാ​സ​വ​സ്തു സ്പ്രേ ​ചെ​യ്യുകയും ചെയ്യുന്ന വിധത്തിലാണ് ഉപകരണത്തിന്റെ സജ്ജീകരണം. ഇ​തു​വ​ഴി അതിവേഗം തീ ​അ​ണ​ക്കാ​നാ​കും.

പദ്ധതിയുടെ തു​ട​ക്ക​ത്തി​ൽ 4459 ടാ​ക്സി​ക​ളി​ലും 953 സ്കൂ​ൾ ബ​സു​ക​ളി​ലു​മാ​ണ് ഉ​പ​ക​ര​ണം ഘ​ടി​പ്പി​ച്ചിട്ടുള്ളത്. കൂടാതെ മു​ഴു​വ​ൻ വാ​ഹ​ന​ങ്ങ​ളി​ലും പു​തി​യ സം​വി​ധാ​നം സ​ജ്ജ​മാ​ക്കാ​നു​ള്ള പ്ര​വ​ർ​ത്ത​നം പു​രോ​ഗ​മി​ക്കു​ക​യാ​ണെ​ന്ന് ഡി.​ടി.​സി അ​സ​റ്റ് മാ​നേ​ജ്മെ​ന്റ് ഡ​യ​റ​ക്ട​ർ നാ​സ​ർ മു​ഹ​മ്മ​ദ്‌ അ​ൽ​ഹാ​ജ് പ​റ​ഞ്ഞു. മാത്രമല്ല, യാ​ത്ര​ക്കാ​രു​ടെ​യും ജീ​വ​ന​ക്കാ​രു​ടെ​യും സു​ര​ക്ഷ​യും ആ​സ്തി​ക​ളു​ടെ സം​ര​ക്ഷ​ണ​വും മു​ൻ​നി​ർ​ത്തി​യാ​ണ് പു​തി​യ സം​വി​ധാ​നം ഒ​രു​ക്കി​യ​തെ​ന്ന് അ​ദ്ദേ​ഹം കൂട്ടിച്ചേർത്തു.

അതേസമയം ചൂ​ട് കൂ​ടു​ന്ന സാ​ഹ​ച​ര്യ​ത്തി​ൽ യുഎഇ​യി​ൽ വാ​ഹ​ന​ങ്ങ​ൾ​ക്ക് തീ​പി​ടി​ക്കു​ന്ന​ത് പ​തി​വാണ്. ഇത് വാ​ഹ​ന​ങ്ങ​ൾ​ക്ക് കേ​ടു​പാ​ടു​ക​ൾ സം​ഭ​വി​ക്കു​ന്ന​തി​നൊ​പ്പം യാ​ത്ര ചെ​യ്യു​ന്ന​വ​രു​ടെ ജീ​വ​നും ഇ​ത് ഭീ​ഷ​ണി​യായി നിലനിൽക്കുന്നു. അതുകൊണ്ട് തന്നെ പു​തി​യ സം​വി​ധാ​നം ഒ​രു​ക്കു​ന്ന​തോ​ടെ തീ​പി​ടി​ത്ത​ങ്ങ​ൾ വ​ഴി​യു​ള്ള അ​പ​ക​ട​ങ്ങ​ൾ ഇ​ല്ലാ​താ​ക്കാ​മെ​ന്നാ​ണ് പ്ര​തീ​ക്ഷിക്കുന്നത്. മാത്രമല്ല, ഡ്രൈ​വ​റു​ടെ സ​ഹാ​യ​മി​ല്ലാ​തെ സ്വ​യം പ്ര​വ​ർ​ത്തി​ക്കു​ന്ന​തി​നാ​ൽ സ്കൂ​ൾ ബ​സു​ക​ളി​ൽ വി​ദ്യാ​ർ​ഥി​ക​ളു​ടെ സു​ര​ക്ഷ​യു​ടെ വി​ഷ​യ​ത്തി​ൽ പു​തി​യ സം​വി​ധാ​നം വ​ലി​യ സ​ഹാ​യ​ക​മാ​കു​മെ​ന്നാ​ണ് വി​ല​യി​രു​ത്തുന്നത്.