ദുബായിലെ ടോൾ ഓപ്പറേറ്ററായ സാലിക് കമ്പനി യുഎഇയിലുടനീളം പാർക്കിങ് സേവനം വിപുലീകരിക്കാനൊരുങ്ങുന്നു. ഇതിനായി യുഎഇയിലെ 107 സ്ഥലങ്ങളിൽ സർവീസ് നടത്തുന്ന സ്വകാര്യ പാർക്കിംഗ് ഓപ്പറേറ്ററായ പാർക്കോണിക്കുമായി സാലിക് കരാറിലേർപ്പെട്ടു.
ആദ്യമായാണ് എമിറേറ്റിന് പുറത്തേയ്ക്ക് സാലിക് പ്രവർത്തനം വ്യാപിപ്പിക്കുന്നത്. പാർക്കോണിക്കുമായി അഞ്ച് വർഷത്തെ കരാറിലാണ് സാലിക് ഒപ്പുവെച്ചിരിക്കുന്നത്. സാലിക് ഇ വാലറ്റ് വഴി ലഭിക്കുന്ന പാർക്കിംഗ് വരുമാനത്തിൻ്റെ ഒരു ശതമാനം സാലിക്കിന് പാർക്കോണിക് നൽകും.
2025-ൻ്റെ ആദ്യ പാദത്തിൽ യുഎഇയിലുടനീളമുള്ള പാർക്കോണിക്സിൻ്റെ 1,35,000-ലധികം പാർക്കിംഗ് സ്ഥലങ്ങൾ ഈ കരാർ ഉൾക്കൊള്ളുന്നുണ്ട്.
