തിരക്കേറിയ വിമാനത്താവളം; ഒമ്പതാം വർഷവും ദുബായ് മുന്നിൽ

തു​ട​ർ​ച്ച​യാ​യ ഒ​മ്പ​താം വ​ർ​ഷ​വും ഏ​റ്റ​വും തി​ര​ക്കു​ള്ള അന്താരാഷ്ട്ര വി​മാ​ന​ത്താ​വ​ള​മെ​ന്ന നേ​ട്ടം നി​ല​നി​ർ​ത്തി ദു​ബായ്. 2022ലെ ​ക​ണ​ക്കു​ക​ൾ വി​ല​യി​രു​ത്തി എ​യ​ർ​പോ​ർ​ട്​​സ്​ കൗ​ൺ​സി​ൽ ഇ​ന്‍റ​ർ​നാ​ഷ​ണലാണ് റി​പ്പോ​ർ​ട്ട് പുറത്തുവിട്ടത്. ദു​ബൈ വി​മാ​ന​ത്താ​വ​ള​ത്തി​ന്‍റെ യാ​ത്ര​ക്കാ​രു​ടെ എ​ണ്ണം മു​ൻ​വ​ർ​ഷ​ത്തേ​ക്കാ​ൾ ഇ​ര​ട്ടി​യാ​യായെന്നും കണക്കുകൾ.

നിലവിൽ യാത്രക്കാരുടെ എണ്ണം 6.6 കോ​ടി പി​ന്നി​ട്ടെന്നും കോ​വി​ഡി​ന്​ ശേ​ഷം അ​ന്താ​രാ​ഷ്​​ട്ര, പ്രാ​ദേ​ശിക ത​ല​ങ്ങ​ളി​ൽ വ​മ്പി​ച്ച തി​രി​ച്ചു​ വ​ര​വാ​ണ് ദുബായ്​ വി​മാ​ന​ത്താ​വ​ളം നടത്തിയതെന്നും റിപ്പോർട്ടിൽ സൂചിപ്പിക്കുന്നു. 2023ൽ ​യാ​ത്ര​ക്കാ​രു​ടെ എ​ണ്ണം 7.8 കോ​ടി​ കവിയുമെന്നാണ് നിഗമനം. 2021നെ ​അ​പേ​ക്ഷി​ച്ച്​ യാ​ത്ര​ക്കാ​രു​ടെ എ​ണ്ണ​ത്തി​ൽ 127 ശ​ത​മാ​ന​ത്തി​ന്‍റെ വ​ർ​ധ​ന​യാ​ണ്​ ദു​ബായ് വി​മാ​ന​ത്താ​വ​ള​ത്തി​ൽ ഉ​ണ്ടാ​യ​ത്.

നേട്ടം നിലനിർത്താനുളള ശ്രമങ്ങൾ തുടരുമെന്ന് ദുബായ് എ​യ​ർ​പോ​ർ​ട്ട് സി.​ഇ.​ഒ പോ​ൾ ഗ്രി​ഫി​ത്ത്​ പ​റ​ഞ്ഞു. ​വി​മാ​ന​യാ​ത്ര​ക്കാ​രു​ടെ ആ​വ​ശ്യം ലോ​ക​ത്ത്​ എ​ല്ലാ​യി​ട​ത്തും വ​ർ​ധി​ച്ചി​ട്ടു​ണ്ടെന്നും ദുബായിയെ വേറിട്ടു നിർത്തിയത് ജീവനക്കാരുടെ അർപ്പണബോധവും സേവന മികവുമാണെന്നും അദ്ദേഹം കൂട്ടിച്ചേർത്തു.

എ​സിഐ​യു​ടെ റി​പ്പോ​ർ​ട്ട്​ അ​നു​സ​രി​ച്ച് ല​ണ്ട​നി​ലെ ഹീ​ത്രൂ വിമാനത്താവളം(5.8 കോ​ടി), ആം​സ്റ്റ​ർ​ഡാം വിമാനത്താവളം (5.2 കോ​ടി), പാ​രി​സ് വിമാനത്താവളം (5.1 കോ​ടി), ഇ​സ്തം​ബു​ൾ വിമാനത്താവളം (4.8 കോ​ടി) എന്നിവയാണ് മുൻനിരയിലുളളത്.