ദുബായിലെ ഗ്ലോബൽ വില്ലേജ് വിഐപി പായ്ക്കുകൾ വിൽപ്പനയ്‌ക്കെത്തി ഒരു മണിക്കൂറിനുള്ളിൽ വിറ്റുതീർന്നു.“എല്ലാ വിഐപി പാക്കുകളും വിറ്റുപോയി! 28-ാം സീസണിൽ നിങ്ങളെ സ്വാഗതം ചെയ്യുന്നതിനായി ഞങ്ങൾ കാത്തിരിക്കുന്നു.” എന്ന് ഗ്ലോബൽ വില്ലേജ് എക്സിൽ കുറിച്ചു. പാക്കേജുകൾ വിർജിൻ മെഗാസ്റ്റോർ ടിക്കറ്റ് വെബ്‌സൈറ്റിൽ ഓൺലൈനായാണ് ലഭ്യമാക്കിയത്. ഫാമിലി ഡെസ്റ്റിനേഷനിലേക്കുള്ള വിഐപി പായ്ക്കുകൾ രാവിലെ 10 മണിക്ക് വിൽപ്പനയ്‌ക്കെത്തുകയും 11.21 ന് വിറ്റുതീരുകയും ചെയ്തു. വിർജിൻ മെഗാസ്റ്റോർ വെബ്സൈറ്റ് വഴി വിഐപി പാക്കേജ് സ്വന്തമാക്കുന്നവരിൽ നിന്ന് തെരഞ്ഞെടുക്കുന്ന ഒരാൾക്ക് 28-ാം സീസണിന്റെ സ്മരണയ്ക്കായി 28,000 ദിർഹം സമ്മാനമായി നൽകും.
സിൽവർ, ഗോൾഡ്, പ്ലാറ്റിനം, ഡയമണ്ട് എന്നിങ്ങനെ നാല് തരം ടിക്കറ്റുകളാണ് ലഭ്യമാക്കുന്നത്. ഡയമണ്ട് വിഐപി പായ്ക്കുകൾ 7,000 ദിർഹത്തിനും പ്ലാറ്റിനം പായ്ക്കുകൾ 2,950 ദിർഹത്തിനുമാണ് വിൽപ്പനയ്ക്കെത്തിയത്. ഗോൾഡ് പായ്ക്കുകൾക്ക് 2,250 ദിർഹവും സിൽവർ പായ്ക്കുകൾക്ക് 1,750 ദിർഹവുമാണ് വില.
എല്ലാ പാക്കുകളിലും വിഐപി എൻട്രി ടിക്കറ്റുകൾ, പാർക്കിംഗ് പ്രത്യേകാവകാശങ്ങൾ, റിപ്ലീസ് ബിലീവ് ഇറ്റ് ആർ നോട്ട്!, സൈബർ സിറ്റി സ്റ്റണ്ട് ഷോ, കാർണിവൽ, ഒന്നിലധികം ഗ്ലോബൽ വില്ലേജ് ആകർഷണങ്ങളിൽ ഉപയോഗിക്കാവുന്ന വണ്ടർ പാസുകൾ എന്നിവ ഉൾപ്പെടുന്നു. ഡയമണ്ട് പായ്ക്ക് ഉടമകൾക്ക് ഇൻ-പാർക്ക് ടാക്സി ഗതാഗതം, കാർ കഴുകൽ, പോർട്ടർ സേവനങ്ങൾ എന്നിവയ്ക്കുള്ള വൗച്ചറുകൾ ലഭിക്കും.
باقات كبار الشخصيات للموسم 28 بيعت بالكامل! بإنتظاركم في #عالم_أكثر_روعة 🤩🎡#القرية_العالمية
All of the VIP packs have sold out! We look forward to welcoming you at #AMoreWonderfulWorld during season 28! 🤩🎡#GlobalVillage pic.twitter.com/jcDwBHj57z
— Global Village القرية العالمية (@GlobalVillageAE) September 30, 2023
