യുഎയിൽ അസ്ഥിരമായ കാലാവസ്ഥ തുടരുകയാണ്. ഈ സാഹചര്യത്തിൽ ദുബായുടെ ഐക്കണിക് ലാൻഡ്‌മാർക്കായ ഗ്ലോബൽ വില്ലേജ് അടച്ചുപൂട്ടുന്നതായി അധികൃതർ പ്രഖ്യാപിച്ചു. അസ്ഥിരമായ കാലാവസ്ഥയെത്തുടർന്ന് അത് അടച്ചിടുമെന്ന് വിനോദസഞ്ചാര കേന്ദ്രത്തിൻ്റെ ഔദ്യോഗിക അക്കൗണ്ടിലൂടെയാണ് അധികൃതർ ജനങ്ങളെ അറിയിച്ചത്.
‘പ്രതികൂലമായ കാലാവസ്ഥ കാരണം ഞങ്ങളുടെ അതിഥികളുടെ സുരക്ഷ ഉറപ്പാക്കുന്നതിന് വേണ്ടി ഗ്ലോബൽ വില്ലേജ് ഫെബ്രുവരി 12 ന് രാത്രി മുതൽ അടച്ചിടും. നിലവിലെ കാലാവസ്ഥയിൽ ശമനമുണ്ടായാൽ നാളെ മുതൽ ഫെബ്രുവരി 13 മുതൽ ഗ്ലോബൽ വില്ലേജ് തുറന്ന് പ്രവർത്തിക്കും’- അധികൃതർ വ്യക്തമാക്കി.
