ഈദ് അൽ-അദ്ഹ അവധിക്കാലത്ത് സേവനം ഉറപ്പാക്കി ദുബായിലെ ജനറൽ ഡയറക്ടറേറ്റ് ഓഫ് റെസിഡൻസി ആൻഡ് ഫോറിനേഴ്‌സ് അഫയേഴ്‌സ്. അവധി ദിവസങ്ങളിൽ കസ്റ്റമർ ഹാപ്പിനസ് കേന്ദ്രങ്ങൾ പ്രവർത്തിക്കുമെന്ന് അധികൃതർ അറിയിച്ചു.
ദുബായ് അന്താരാഷ്ട്ര വിമാനത്താവളത്തിലെ ടെർമിനൽ മൂന്നിൽ പ്രവർത്തിക്കുന്ന സെൻ്ററിൽ ജൂൺ 27 ചൊവ്വാഴ്ച മുതൽ 2023 ജൂൺ 30 ഞായറാഴ്ച വരെ പ്രവർത്തിക്കും. രാവിലെ ആറ് മുതൽ വൈകുന്നേരം പത്ത് വരെ സേവനം ഉണ്ടാകും.
ഉപഭോക്തൃ നടപടിക്രമങ്ങൾ സുഗമമാക്കുന്നതിനും സേവനങ്ങൾ ഉറപ്പാക്കുന്നതിനും വേണ്ടിയാണ് കസ്റ്റമർ ഹാപ്പിനസ് സെൻ്ററുകളുടെ പ്രവർത്തനം ഉറപ്പാക്കിയതെന്നും അധികൃതർ സൂചിപ്പിച്ചു.
ബലി പെരുന്നാളിനോട് അനുബന്ധിച്ച് നാല് ദിവസത്തെ പൊതു അവധിയാണ് യുഎഇയിലെ പൊതു-സ്വകാര്യ മേഖലയ്ക്ക് അനുവദിച്ചിട്ടുളളത്. വാരാന്ത്യ അവധി ദിനങ്ങളും കണക്കിലെടുത്ത് ആറ് ദിവസത്തെ നീണ്ട അവധിയാണ് ലഭിക്കുക.
