ഫ്ലോ​ക്ക് ഡ്യൂ​യോ റെ​യി​ലും സോ​ളാ​ർ റെ​യി​ൽ ബ​സും, ദുബായിൽ രണ്ട് അ​തി​നൂ​ത​ന ഗ​താ​ഗ​ത സം​വി​ധാ​ന​ങ്ങ​ൾ കൂ​ടി വ​രു​ന്നു

ലോ​ക​ത്തെ ഏ​റ്റ​വും മി​ക​ച്ച ഗ​താ​ഗ​ത സം​വി​ധാ​ന​ങ്ങ​ളു​ള്ള നഗരമാണ് ദുബായ്. ഇപ്പോഴിതാ​ ദുബായിൽ ര​ണ്ട് അ​തി​നൂ​ത​ന ഗ​താ​ഗ​ത സം​വി​ധാ​ന​ങ്ങ​ൾ കൂ​ടി വരുന്നു. ഫ്ലോ​ക്ക് ഡ്യൂ​യോ റെ​യി​ൽ, സോ​ളാ​ർ റെ​യി​ൽ ബ​സ്​ എ​ന്നി​ങ്ങ​നെയുള്ള രണ്ട് സം​വി​ധാ​ന​ങ്ങ​ൾ വി​ക​സി​പ്പി​ക്കു​ന്ന​തി​ന്റെ തയാറെടുപ്പിലാണ് ദുബായ്. ഇതിന്റെ ഭാഗമായി റോ​ഡ്​ ഗ​താ​ഗ​ത അ​തോ​റി​റ്റി (ആ​ർ.​ടി.​എ) യു.​എ​സ്, യു.​കെ ആ​സ്ഥാ​ന​മാ​യ ക​മ്പ​നി​ക​ളു​മാ​യി ധാ​ര​ണ​പ​ത്ര​ത്തി​ൽ ഒ​പ്പു​വെ​ച്ചു.

സോ​ളാ​ർ പാ​ന​ൽ പ​തിപ്പിച്ച പാ​ല​ത്തി​ലൂ​ടെ സൗ​രോ​ർ​ജം ഉ​പ​യോ​ഗി​ച്ച് യാ​ത്ര​ക്കാ​രെ കൊ​ണ്ടു​പോ​കു​ന്ന യാ​ത്രാ​ സം​വി​ധാ​ന​മാ​ണ് സോ​ളാ​ർ റെ​യി​ൽ ​ബ​സ്. അതേസമയം മു​ക​ളി​ലും താ​ഴെ​യു​മു​ള്ള ട്രാ​ക്കി​ലൂ​ടെ ന​ഗ​ര​ത്തി​ന് ചു​റ്റും നി​ര​ന്ത​രമായി സ​ഞ്ച​രി​ച്ചു​കൊ​ണ്ടി​രി​ക്കു​ന്ന പോ​ഡ് സം​വി​ധാ​നാ​ണ് ഫ്ലോ​ക്ക് ഡ്യൂ​യോ ട്രാ​ക്ക് റെ​യി​ൽ. ദു​ബാ​യി​ൽ ന​ട​ക്കു​ന്ന അ​ന്താ​രാ​ഷ്ട്ര പ്രോ​ജ​ക്ട് മാ​നേ​ജ്മെ​ന്റ് ഫോ​റ​ത്തി​ലാ​ണ് അ​തി​നൂ​ത​ന​മാ​യ പുതിയ ​യാ​ത്രാ​സം​വി​ധാ​ന​ങ്ങ​ൾ വി​ക​സി​പ്പി​ക്കാ​ൻ ദുബായ് ആ​ർ.​ടി.​എ ധാ​ര​ണ​പ​ത്ര​ങ്ങ​ൾ ഒ​പ്പി​ട്ട​ത്.

യു.​കെ​യി​ലെ അ​ർ​ബ​ൻ മാ​സ് ക​മ്പ​നി​യാ​ണ് ഫ്ലോ​ക്ക് ഡ്യൂ​യോ റെ​യി​ൽ സം​വി​ധാ​നം വി​ക​സി​പ്പി​ക്കുന്നത്. അ​മേ​രി​ക്ക​ൻ ക​മ്പ​നി​യാ​യ റെ​യി​ൽ ബ​സ് ഇ​ൻ​കോ​ർ​പ​റേ​ഷ​നാ​ണ് സോ​ളാ​ർ റെ​യി​ൽ ബ​സ് വി​ക​സി​പ്പി​ക്കാ​നു​ള്ള ചു​മ​ത​ല. കാ​ർ​ബ​ൺ വി​കി​ര​ണ​മി​ല്ലാ​ത്ത പൊ​തു​ഗ​താ​ഗ​ത സം​വി​ധാ​ന​ങ്ങ​ൾ ക​ണ്ടെ​ത്താ​നുള്ള നീക്കത്തിന്റെ ഭാഗമായാണ് നൂ​ത​ന പ​ദ്ധ​തി​ക്ക് രൂ​പം ന​ൽ​കു​ന്ന​ത്. ആ​ർ.​ടി.​എ റെ​യി​ൽ ഏ​ജ​ൻ​സി സി.​ഇ.​ഒ അ​ബ്​​ദു​ൽ മു​ഹ്​​സി​ൻ ക​ൽ​ബാ​ത്, യു.​എ​സി​ലെ റെ​യി​ൽ ബ​സ്​ ക​മ്പ​നി ബി​സി​ന​സ്​ ഡെ​വ​ല​പ്​​മെ​ന്‍റ്​ ഡ​യ​റ​ക്ട​ർ ഡോ. ​ഹാ​തിം അ​ൽ താ​ഹി​ർ ഇ​ബ്രാ​ഹീം,യു.​കെ ആ​സ്ഥാ​ന​മാ​യ അ​ർ​ബ​ൻ മാ​സ്​ ക​മ്പ​നി സി.​ഇ.​ഒ റി​ക്കി സ​ന്ധു, എ​ന്നി​വ​രാ​ണ്​ ക​രാ​റി​ൽ ഒ​പ്പു​വെ​ച്ച​ത്.