ബലിപെരുന്നാൾ ആഘോഷങ്ങളുടെ ഭാഗമായി ഏഷ്യാ ലൈവ് മീഡിയുടെ ആഭിമുഖ്യത്തിൽ സംഘടിപ്പിക്കുന്ന ബിരിയാണി ക്യൂൻ മത്സരം ജൂൺ 30 വെളളിയാഴ്ച നടക്കും. ദുബായ് അൽ നാദ നെസ്റ്റോയിൽ വൈകിട്ട് 6മണി മുതലാണ് മത്സരം.
നൂറിൽ അധികം മത്സരാർത്ഥികളിൽ നിന്ന് തെരഞ്ഞെടുത്ത 30 പേരാണ് ബിരിയാണി ക്യൂൻ പോരാട്ടത്തിൽ അണിനിരക്കുന്നത്. മാനദണ്ഡങ്ങക്ക് അനുസൃതമായാണ് മത്സരം. ആദ്യസ്ഥാനങ്ങളിൽ എത്തുന്നവർക്ക് ക്യാഷ് പ്രൈസ് ഉൾപ്പടെയുളള സമ്മാനങ്ങളുമുണ്ട്. പങ്കെടുക്കുന്നവർക്ക് പുറമെ കാണികൾക്കും സമ്മാനങ്ങൾ നേടാൻ അവസരം ഒരുക്കിയിട്ടുണ്ട്.
ഈസ്റ്റേൺ, ഹോട്ട് പാക്ക്, ഫുഡ്ബുക്ക് റസ്റ്റോറൻ്റ്, തങ്ങൾസ് ജുവല്ലറി, വുഡ്ലം പാർക്ക് സ്കൂൾ, എഡ്യൂവിംഗ് എഡ്യൂക്കേഷൻ, അറബ് എക്സ്പ്രസ്സ്, മൈ ഹോം,ധന്വന്തരി ആയൂർവേദിക്ക് സെൻ്റർ എന്നിവയുടെ സഹകരണത്തോടെയാണ് ബിരിയാണി ക്യൂൻ പരിപാടി. യുഎഇയിലെ മലയാളം മാധ്യമ മേഖലയിൽ മുൻനിരയിലുളള ഏഷ്യാലൈവ് വെത്യസ്ത പരിപാടികളിലൂടെ പ്രേക്ഷക ശ്രദ്ധ നേടുകയാണ്.
