ബർ ദുബായ് തുറമുഖത്ത് ബോട്ടിന് തീപിടിച്ചു. അറിയിപ്പ് ലഭിച്ച് ആറ് മിനിറ്റിനുള്ളിൽ സ്ഥലത്തെത്തിയ എമിറേറ്റിലെ സിവിൽ ഡിഫൻസ് അധികൃതർ ഒരു മണിക്കൂറിനുള്ളിൽ തീയണച്ചു. ഒരു വെയർഹൗസിന് സമീപമുണ്ടായിരുന്ന ബോട്ടിനാണ് തീ പിടിച്ചത്.
ദുബായ് സിവിൽ ഡിഫൻസ് ഓപ്പറേഷൻ സെന്ററിൽ രാവിലെ 9.06 ന് തീപിടിത്തത്തെക്കുറിച്ച് അറിയിപ്പ് ലഭിക്കുകയും തുടർന്ന് ആറ് മിനിറ്റിനുള്ളിൽ ഇത്തിഹാദ് ഫയർ സ്റ്റേഷനിൽ നിന്നുള്ള ഒരു സംഘം രാവിലെ 9.12 ന് സംഭവസ്ഥലത്ത് എത്തുകയും ചെയ്തു.
ആദ്യം രക്ഷാപ്രവർത്തനം നടത്തിയവരും അൽ കരാമ ഫയർ സ്റ്റേഷൻ, അൽ റാസ് ഫയർ സ്റ്റേഷൻ, മാരിടൈം റെസ്‌ക്യൂ സെന്റർ എന്നിവരും സംയുക്തമായി നടത്തിയ പരിശ്രമത്തിലാണ് തീയണച്ചത്. അപകടത്തിൽ ആർക്കും പരിക്കുകൾ സംഭവിച്ചിട്ടില്ലെന്ന് അധികൃതർ സ്ഥിരീകരിച്ചു.
