റോഡിലൂടെ അശ്രദ്ധമായി ഇ-സ്കൂട്ടറുകൾ ഓടിച്ച് അപകടങ്ങൾ ഉണ്ടാക്കുന്നവർക്ക് മുന്നറിയിപ്പുമായി അബുദാബി പോലീസ്. നിയുക്ത സ്ഥലങ്ങളിൽ അല്ലാതെയും ആവശ്യമായ സംരക്ഷണ കവചങ്ങൾ ഇല്ലാതെയും റോഡുകളിൽ അശ്രദ്ധമായി ഇ- സ്കൂട്ടറുകൾ ഓടിക്കുന്ന കുട്ടികളുടെ ഒരു വീഡിയോയും പോലീസ് പങ്കുവച്ചിട്ടുണ്ട്.
വാഹനമോടിക്കുന്നവർ നിയമങ്ങൾ പാലിക്കണമെന്ന് ഓർമ്മിപ്പിക്കുന്നു. ഇ- സ്കൂട്ടറുകൾ ഓടിക്കുന്ന കുട്ടികളുടെ പ്രവർത്തനങ്ങൾ രക്ഷിതാക്കൾ നിരീക്ഷിക്കണം. കൂടാതെ റൈഡർമാർ ഇ-സ്കൂട്ടറുകൾ ഓടിക്കുമ്പോൾ ഹെൽമെറ്റിനൊപ്പം കാൽമുട്ടുകൾക്കും കൈമുട്ടുകൾക്കും ഉള്ള സംരക്ഷണഗ്രിപ്പ് ധരിക്കണമെന്നും വീഡിയോയ്ക്ക് താഴെ പോലീസ് അടിക്കുറിപ്പോട് കൂടി അഭ്യർത്ഥിച്ചിട്ടുണ്ട്.
