ദുബായിൽ ബോട്ടിന് തീപിടിച്ചതിനേത്തുടർന്ന് ഫ്ലൈബോർഡിലെത്തി അഗ്നിശമനസേന തീയണച്ചു. ദുബായിലെ ഒരു പരമ്പരാഗത തടി ബോട്ടിലാണ് ഇന്ന് തീപിടിത്തമുണ്ടായത്. ഇതേത്തുടർന്ന് വിവരം ലഭിച്ച് ആറ് മിനിറ്റിനുള്ളിൽ അഗ്നിശമന സേനാംഗങ്ങൾ സ്ഥലത്തെത്തി തീയണക്കാൻ ആരംഭിക്കുകയായിരുന്നു.
ജെറ്റ്-സ്കീസുകളും ഫ്ലൈബോർഡുകളും ഉപയോഗിച്ചാണ് സേനാംഗങ്ങൾ തീ നിയന്ത്രണവിധേയമാക്കിയത്. കരയിൽ നിന്ന് തീ അണക്കാൻ സാധിക്കാത്തതിനേത്തുടർന്നാണ് ഇത്തരമൊരു മാർഗം സ്വീകരിച്ചത്. സംഭവത്തിൽ ആർക്കും പരിക്കുകളില്ലെന്ന് ദുബായ് സിവിൽ ഡിഫൻസ് അതോറിറ്റി അറിയിച്ചു. തീപിടിത്തത്തിന്റെ കാരണം വ്യക്തമല്ല. അതുസംബന്ധിച്ച അന്വേഷണം അധികൃതർ ആരംഭിച്ചു.
