ദുബായിലെ അഞ്ച് പ്രധാന റോഡുകളിൽ ഇന്ന് ഗതാഗത തടസം നേരിടുമെന്ന് റോഡ്‌സ് ആന്റ് ട്രാൻസ്‌പോർട്ട് അതോറിറ്റി (ആർടിഎ) അറിയിച്ചു. ടി100 ട്രയാത്‌ലോൺ വേൾഡ് ടൂർ ഫൈനൽ മത്സരങ്ങൾ നടക്കുന്നതിനാലാണ് ഗതാഗത തടസം നേരിടുക.
ജുമൈറ സ്ട്രീറ്റ്, അൽ അത്തർ സ്ട്രീറ്റ്, അൽ ഹാദിഖ സ്ട്രീറ്റ്, അൽ മൈദാൻ സ്ട്രീറ്റ്, അൽ മനാമ സ്ട്രീറ്റ് എന്നിവിടങ്ങളിലാണ് ഇന്ന് രാവിലെ 6.30 മുതൽ ഉച്ചയ്ക്ക് 12.30 വരെയും ഉച്ചയ്ക്ക് 1.30 മുതൽ 4 വരെയും ഗതാഗത തടസം അനുഭവപ്പെടുക.
വാഹനമോടിക്കുന്നവർ ഇതനുസരിച്ച് യാത്രകൾ ആസൂത്രണം ചെയ്യണമെന്നും ഗതാഗത മാർഗനിർദേശങ്ങൾ പാലിക്കണമെന്നും അധികൃതർ അറിയിച്ചു. ഒരു മാസം നീണ്ടുനിൽക്കുന്ന ദുബായ് ഫിറ്റ്‌നസ് ചലഞ്ചിൻ്റെ ഭാഗമായാണ് ടി100 ട്രയാത്ത്‌ലൺ ലോക ചാമ്പ്യൻഷിപ്പ് സംഘടിപ്പിക്കുന്നത്.
