യുഎഇയിൽ പ്രവർത്തിക്കുന്ന എട്ട് ബാങ്കുകൾക്ക് ഭരണപരമായ വിലക്ക് ഏർപ്പെടുത്തിയതായി സെൻട്രൽ ബാങ്ക് ഓഫ് യുഎഇ അറിയിച്ചു. എന്നാൽ ബാങ്കുകളുടെ പേരുകൾ അതോറിറ്റി ഇതുവരെ വെളിപ്പെടുത്തിയിട്ടില്ല.
ക്രെഡിറ്റ് കാർഡുകൾ ഉൾപ്പെടെ ദേശീയ കുടിശ്ശിക തീർപ്പാക്കൽ ഫണ്ട് അനുവദിച്ച വായ്പകളുടെ ഗുണഭോക്താക്കൾക്ക് വായ്പകളോ ക്രെഡിറ്റ് സൗകര്യങ്ങളോ അനുവദിക്കരുതെന്ന സിബിയുഎഇയുടെ നിർദ്ദേശങ്ങൾ പാലിക്കുന്നതിൽ ബാങ്കുകൾ പരാജയപ്പെട്ടതിനാലാണ് ഈ വിലക്ക് ഏർപ്പെടുത്തിയത്. സെൻട്രൽ ബാങ്കിന്റെ ധനകാര്യ സ്ഥാപനങ്ങളെയും അവയുടെ പ്രവർത്തനങ്ങളെയും സംബന്ധിച്ച് 2018-ലെ ഡിക്രറ്റൽ ഫെഡറൽ നിയമത്തിന്റെ (14) ആർട്ടിക്കിൾ 137 പ്രകാരമാണ് തീരുമാനമെടുത്തത്.
ബാങ്കുകൾ ഉൾപ്പെടെ രാജ്യത്ത് പ്രവർത്തിക്കുന്ന എല്ലാ ലൈസൻസുള്ള ധനകാര്യ സ്ഥാപനങ്ങളും യുഎഇ നിയമങ്ങളും നിയന്ത്രണങ്ങളും മാനദണ്ഡങ്ങളും പാലിക്കുന്നുണ്ടെന്ന് ഉറപ്പുവരുത്തുമെന്ന് സെൻട്രൽ ബാങ്ക് അറിയിച്ചു. ധനകാര്യ സ്ഥാപനങ്ങളിലും എക്‌സ്‌ചേഞ്ച് ഹൗസുകളിലും നിയന്ത്രണങ്ങളും നിയമങ്ങളും ഏർപ്പെടുത്തുന്നതുമായി ബന്ധപ്പെട്ട് സെൻട്രൽ ബാങ്ക് കടുത്ത നിലപാടാണ് സ്വീകരിച്ചിരിക്കുന്നത്. നേരത്തെ, നിയന്ത്രണങ്ങൾ പാലിക്കാത്ത എക്‌സ്‌ചേഞ്ച് ഹൗസുകൾക്ക് വിലക്ക് ഏർപ്പെടുത്തിയിരുന്നു.
