‘മനുഷ്യത്വത്തിനായുള്ള യോഗ’ എന്ന സന്ദേശമുയര്‍ത്തി എട്ടാമത് യോഗ ദിനം. അന്താരാഷ്ട്ര തലത്തില്‍ സംഘടിപ്പിച്ച യോഗാദിനാചരണം ലോകത്തിന് നല്‍കിയത് പുതിയ സന്ദേശം. യോഗ ലോകത്തിന് സമ്മാനിച്ച ഇന്ത്യയോട് നന്ദി പറഞ്ഞുകൊണ്ടാണ് മിക്ക രാജ്യങ്ങളിലും യോഗ ദിനാചരണ പരിപാടികൾ നടന്നത്. ഇന്ത്യയിലും വിപുലമായി യോഗ ദിനാചരണങ്ങൾ സംഘടിപ്പിച്ചു.

യോഗയില്‍ നിന്നുളള സമാധാനം വ്യക്തികൾക്ക് മാത്രമല്ല, രാജ്യത്തിനും ലോകത്തിനും സമാധാനം പ്രദാനം ചെയ്യുന്നെന്ന് പ്രധാനമന്ത്രി നരേന്ദ്ര മോദി പറഞ്ഞു. യോഗ ലോകത്തിന്‍റെ ദേശീയ ഉത്സവമാണെന്നും മോദി കൂട്ടിച്ചേര്‍ത്തു.യോഗ ജീവിത്തിന്‍റെ ഭാഗം എന്നതിനപ്പുറം ജീവിതരീതിയായി മാറുകയാണെന്നും കോവിഡ് പ്രതിരോധത്തില്‍ യോഗ പ്രധാന പങ്കുവഹിച്ചെന്നും മോദി സൂചിപ്പിച്ചു. മൈസൂരുവില്‍ സംഘിടിപ്പിച്ച യോഗാദിനാചരണ പരിപാടിയില്‍ സംസാരിക്കുകയായിരുന്നു പ്രധാനമന്ത്രി. ലോകമെമ്പാടും 25 കോടിപ്പേര്‍ യോഗദിനാചരണത്തിന്‍റെ ഭാഗമായി. രാജ്യത്ത് 75 ചരിത്രപ്രധാന കേന്ദ്രങ്ങളിലാണ് പരിപാടി സംഘടിപ്പിച്ചിട്ടുളളതെന്ന് ആയുഷ് മന്ത്രാലയവും വ്യക്തമാക്കി.

അതേസമയം യുഎഇയില്‍ സംഘടിപ്പിച്ച പരിപാടി സഹിഷ്ണുത- സഹവർത്തിത്വ മന്ത്രി ഷെയ്ഖ് നഹ്യാൻ ബിൻ മുബാറക് അൽ നഹ്യാൻ ഉദ്ഘാടനം ചെയ്തു. പരമ്പരാഗത ഇന്ത്യൻ അഭിവാദന മാർഗമായ ‘നമസ്‌തേ’ ഉച്ഛരിച്ചാണ് അദ്ദേഹം ജനതയെ അഭിവാദ്യം ചെയ്തത്. സാർവത്രിക ആഗോള മൂല്യങ്ങളും അന്താരാഷ്ട്ര ഐക്യവും സമാധാനവും പ്രചരിപ്പിക്കുന്നതിനുള്ള പുതുക്കിയ പ്രതിബദ്ധതയോടെയാണ് യുഎഇ യോഗ ദിനം ആഘോഷിക്കുന്നതെന്ന് മന്ത്രി അടിവരയിട്ടു. ഒരു സൂര്യൻ, ഒരു ഭൂമി എന്ന ആശയത്തിന് അടിവരയിടുന്നതാണ് യോഗയെന്ന് യുഎഇയിലെ ഇന്ത്യൻ അംബാസഡർ സഞ്ജയ് സുധീർ പറഞ്ഞു.

2015 മുതലാണ് അന്താരാഷ്ട്ര യോഗദിനത്തിന് തുടക്കമായത്. െഎക്യരാഷ്ട്ര സഭയുടെ 69-ാമത് സമ്മേളത്തില്‍ ഇന്ത്യന്‍ പ്രധാനമന്ത്രി നേരേന്ദ്ര മോദി മുന്നോട്ടുവച്ച ആശയത്തിന് യുഎന്‍ ജനറല്‍ അസംബ്ളി അംഗീകാരം നല്‍കുകയായിരുന്നു.

അറബ് ജനതയോടൊപ്പം സഞ്ചരിച്ച മരുക്കപ്പൽ

Date:

Share post:

2024നെ ഒട്ടകവർഷമായി പ്രഖ്യാപിച്ചിരിക്കുകയാണ് ഐക്യരാഷ്ട്രസഭയും സൌദിയും. ലോകത്താകമാനം തൊണ്ണൂറിലധികം രാജ്യങ്ങളിലെ ദശലക്ഷക്കണക്കിന് കുടുംബങ്ങളുടെ ജീവിതത്തെ ഒട്ടകങ്ങൾ സ്വാധീനിക്കുന്നതായ കണക്കുകളുടെ പശ്ചാത്തലത്തിലാണ് ഐക്യരാഷ്ട്രസഭയുടെ പ്രഖ്യാപനം ഉണ്ടായത്. സമാനമായിഅറബ് സംസ്‌കാരത്തിലും ജനജീവിതത്തിലും ചേർന്നുനിൽക്കുന്ന ഒട്ടകങ്ങളുടെ പ്രസക്തി വ്യക്തമാക്കിയാണ് സൌദിയുടെ പ്രഖ്യാപനം. അറിയാകഥകൾക്കപ്പുറം ഒട്ടകമെന്ന സാധുമൃഗത്തിൻ്റെ സവിശേഷതകൾ ലോകത്തോട് വിളിച്ചുപറയുകയാണ് ഒട്ടകവർഷം.

പേരുവന്ന വഴി

മരുഭൂമിയിലെ കപ്പൽ , ഒട്ടകങ്ങൾക്ക് ആ പേര് വന്നത് എങ്ങനെ? പണ്ട് കാലക്ക് ചൈനയും അറബി രാജ്യങ്ങളും തമ്മിൽ ഭക്ഷണവസ്തുക്കളുടേയും സുഗന്ധദ്രവ്യങ്ങളുടേയും
വ്യാപാരം നിലനിന്നിരുന്നു. അക്കാലത്ത് വലിയ ഭാരം ചുമന്ന് മരുഭൂമിയിലൂടെ ഒഴുകിനീങ്ങുന്ന ഒട്ടകങ്ങളെ കണ്ട ചൈനക്കാരാണ് ‘മരൂഭൂമിയിലെ കപ്പൽ ‘ എന്നാദ്യം വിളിച്ചതെന്നാണ് ചരിത്രകഥകൾ. കഥകളിലേതുപോലെ അറബ് ജനതയോടൊപ്പം സഞ്ചരിച്ച മരുക്കപ്പലാണ് യാഥാർത്ഥത്തിൽ ഒട്ടകങ്ങളെന്ന് നിസംശയം പറയാം.

ഊഷരഭൂമിയിലെ ജീവിതത്തിലും യാത്രകളിലും ഒട്ടകങ്ങൾ ഒരു ജനതയ്ക്ക് കൂട്ടായ കാലമുണ്ടായിരുന്നു. പിൽക്കാലത്ത് സമ്പത്തിൻ്റേയും പ്രൌഡിയുടെ പ്രതീകമായും ഒട്ടകങ്ങളെ ചേർത്തുനിർത്തി. കാർഷിക ചരിത്രത്തിനപ്പുറം ജനതയുടെ അതിജീവനത്തെ പ്രതിനിധാനം ചെയ്തുകൊണ്ട് ഒട്ടകങ്ങൾ മനുഷ്യ കുലത്തിൻ്റെ സാംസ്കാരിക ചരിത്രത്തിലും ഇടം നേടി. ഒട്ടക മത്സരങ്ങൾ സംഘടിപ്പിക്കുന്നതിനും മുന്തിയ ഇനങ്ങളെ വൻതുകയ്ക്ക് സ്വന്തമാക്കുന്നതിലും പണ്ടുമുതൽക്കേ അറബികൾ താത്പര്യം കാട്ടിയിരുന്നു. ഇന്നും അത് തുടരുകയാണ്, പണ്ടേക്കാൾ കെങ്കേമമായി.

സവിശേഷ മൃഗം

ഇതര മൃഗങ്ങളൾക്കില്ലാത്ത അതിജീവനശേഷിയാണ് ഒട്ടകങ്ങളെ വ്യത്യസ്തമാക്കുന്നത്. മരുഭൂമിയിലെ നീണ്ട യാത്രകൾക്ക് അനുയോജ്യമായ ശാരീരിക പ്രകൃതം. മരുഭൂമിയിലെ മുൾച്ചെടികളാണ് പ്രധാന ഭക്ഷണം. അസുലഭമായി ലഭ്യമാകുന്ന വെള്ളത്തെ കൊഴുപ്പായി സ്വാംശീകിരിച്ച് ശരീരത്തിൽ സൂക്ഷിക്കുകയാണ് ഒട്ടകങ്ങൾ ചെയ്യുക. മണിക്കൂറില്‍ അറുപത് കിലോമീറ്റര്‍ വേഗതയിൽ സഞ്ചരിക്കാനാകും. ഏകദേശം 500 കിലോയോളം ഭാരം വഹിക്കാനും ശേഷിയുണ്ട്. ഭാരം ചുമന്ന് തുടർച്ചയായി 18 മണിക്കൂറുകൾ യാത്ര ചെയ്യാനാകുമെന്നതും പ്രത്യേകതയാണ്.

കഠിനമായ ചൂടിലും തണുപ്പിലും സംരക്ഷണമൊരുക്കുന്ന കട്ടിയുളള രോമങ്ങളും മണല്‍താപമേല്‍ക്കാതിരിക്കാൻ കാലിൽ കട്ടിയുളള ചര്‍മങ്ങളും ഒട്ടകത്തിനുണ്ട്. തണുപ്പുകാലമാണ് ഒട്ടകങ്ങളുടെ പ്രജനനകാലം. പാല്‍, മാസം എന്നിവയ്ക്കും ധാരാളമായി ഒട്ടകങ്ങളെ ഉപയോഗിച്ചുവരുന്നു. പരമാവധി അമ്പത് വര്‍ഷത്തെ ആയുസാണ് ഒട്ടകത്തിന് കണക്കാക്കുന്നത്. ഒട്ടകം എന്നര്‍ഥമുള്ള ജമല്‍ എന്ന അറബി പദത്തിൽനിന്നാണ് ക്യാമല്‍ എന്ന ഇംഗ്ലീഷ് പദമുണ്ടായതെന്നാണ് രേഖകൾ.

അന്താരാഷ്ട്ര ഒട്ടകവർഷം

ലോകത്താകമാനം മൂന്നരക്കോടിയിലധികം ഒട്ടകങ്ങളുണ്ടെന്നാണ് കണക്ക്. ഏറ്റവും അധികം ഒട്ടകങ്ങൾ വസിക്കുന്നത് സൌദിയിലും സൊമാലിയയിലുമാണ്. ഇന്ത്യയില്‍ 15 ലക്ഷത്തോളം ഒട്ടകങ്ങളുണ്ട്. ഇതിൽ 75 ശതമാനവും രാജസ്ഥാനിലാണ്. അറബി നാടുകളിൽ ഒട്ടക പരിപാലനത്തിന് പ്രത്യേക സൌകര്യങ്ങളും നിയമസംരക്ഷണവും ഏർപ്പെടുത്തിയിട്ടുണ്ട്.

ഫുഡ് ആൻഡ് അഗ്രികൾച്ചറൽ ഓർഗനൈസേഷന്റെ (FAO) ഔദ്യോഗിക വെബ്സൈറ്റ് റിപ്പോർട്ടുകൾ അനുസരിച്ച് ഒരു ഗ്രൂപ്പെന്ന നിലയിൽ ഒട്ടകങ്ങളിൽ അൽപാക്കകൾ, ബാക്ട്രിയൻ ഒട്ടകങ്ങൾ, ഡ്രോമെഡറികൾ, ഗ്വാനക്കോകൾ, ലാമകൾ, വികുനകൾ എന്നിവ ഉൾപ്പെടുന്നതായും അവ ഒരുമിച്ച് ഭക്ഷ്യസുരക്ഷ, പോഷകാഹാരം, സാമ്പത്തിക വളർച്ച എന്നിവ ഉറപ്പാക്കാൻ സഹായിക്കുന്നതായും പറയുന്നു. അതുകൊണ്ടുതന്നെ ഐക്യരാഷ്ട്രസഭയും 2024നെ അന്താരാഷ്ട്ര ഒട്ടകവർഷമായി പ്രഖ്യാപിച്ചിട്ടുണ്ട്.

മരുഭൂമിയിലെ സമ്പത്ത്

പുതിയ കാലത്ത് ടൂറിസം മേഖലയിലാണ് ഒട്ടകങ്ങളുടെ പ്രസക്തി ഏറുന്നത്.
സൗദിയിൽ ഒട്ടകവുമായി ബന്ധപ്പെട്ട മേഖലയിൽ പ്രതിവർഷം 54 കോടി ഡോളറിലേറെ വ്യാപാരം നടക്കുന്നുണ്ടെന്നും കണക്കുകൾ സൂചിപ്പിക്കുന്നു.  സൌദിക്ക് പുറമെ മറ്റ് അറബ് രാജ്യങ്ങൾ സംഘടിപ്പിക്കുന്ന വിവിധ ഒട്ടകമേളകളും ശ്രദ്ധേയമാണ്. പരമ്പരാഗത ട്രക്കിംഗും ഒട്ടകയോട്ട മത്സരങ്ങളും അറബിനാടുകളുടെ സാംസ്കാരിക ടൂറിസത്തിൻ്റെ നെടുംതൂണാണ്. എല്ലാത്തിനും മുകളിലായി അറബ് ജനതയുടെ സാംസ്‌കാരിക ചിഹ്നമായും ഒട്ടകങ്ങൾ നിലനിൽക്കുന്നു.

2022നെ കാപ്പിയുടെ വര്‍ഷമായും, 2023നെ അറബിക് കവിതയുടെ വര്‍ഷമായും പ്രഖ്യാപിച്ചതിൻ്റെ തുടർച്ചയായാണ് 2024നെ ഒട്ടകവർഷമായി സൌദി പ്രഖ്യാപിച്ചിരിക്കുന്നത്. സൗദി വിഷൻ – 2030ൻ്റെ ഭാഗമായി പെട്രോളിതര സാമ്പത്തിക സ്രോതസ്സെന്ന നിലയിലും ഒട്ടകത്തിന് പ്രാധാന്യം നൽകുന്നുണ്ട്. എന്തായാലും 155 കോടി രൂപ സമ്മാനത്തുകയുള്ള ഒട്ടക മേള ഫെബ്രുവരില്‍ സംഘടിപ്പിക്കാനൊരുങ്ങുകയാണ് സൌദി. അതായത് സാംസ്കാരിക ടൂറിസം രംഗത്തെ സാമ്പത്തിക നേട്ടം പ്രതീക്ഷിച്ചു തന്നെയാണ് 2024 നെ ഒട്ടക വർഷമായി സൗദി മന്ത്രിസഭാ യോഗം പ്രഖ്യാപിച്ചിരിക്കുന്നതെന്ന് വ്യക്തം.

ജോജറ്റ് ജോൺ
ജോജറ്റ് ജോൺ
ജേർണലിസ്റ്റ് ഏഷ്യാ ലൈവ് ന്യൂസ് ഹെഡ്

LEAVE A REPLY

Please enter your comment!
Please enter your name here

spot_img

Related articles

വേഷം തെരഞ്ഞെടുക്കുന്നത് പോലെ ആഭരണങ്ങളും; ഫഹദിൻ്റെ പരസ്യം ഹിറ്റ്

മലയാളികളുടെ പ്രിയ നടൻ ഫഹദ് ഫാസിൽ ബ്രാൻഡ് അംബാസിഡർ ആയ കവിത ഗോൾഡ് ആൻഡ് ഡയമണ്ട്സിൻ്റെ ഏറ്റവും പുതിയ പരസ്യം വൻഹിറ്റ്. സ്റ്റൈലിലും ആറ്റിട്യൂഡിലും...

പുതുവർഷത്തെ വരവേൽക്കാനൊരുങ്ങി ദുബായ്; 6 സ്ഥലങ്ങളിൽ കരിമരുന്ന് പ്രകടനം

2025-നെ വരവേൽക്കാനൊരുങ്ങിയിരിക്കുകയാണ് ദുബായ്. വിവിധ ആഘോഷ പരിപാടികളാണ് എമിറേറ്റിന്റെ വിവിധ ഭാ​ഗങ്ങളിലായി ഒരുക്കിയിരിക്കുന്നത്. പുതുവർഷത്തിൻ്റെ ആദ്യ മിനിറ്റുകളിൽ ദുബായിലെ ആറ് പ്രദേശങ്ങളിൽ കരിമരുന്ന് പ്രകടനം...

ബാഡ്മിന്റൺ താരം പി.വി സിന്ധു വിവാഹിതയായി; വരൻ വെങ്കടദത്ത സായ്

ബാഡ്മിന്റൺ താരം പി.വി സിന്ധു വിവാഹിതയായി. സോഫ്റ്റ്വെയർ കമ്പനിയായ പൊസിഡെക്‌സ് ടെക്നോളജീസിൻ്റെ എക്‌സിക്യൂട്ടീവ് ഡയറക്ടർ വെങ്കടദത്ത സായിയാണ് വരൻ. വിവാഹത്തിൽ രാജ്യത്തെ രാഷ്ട്രീയ, കായിക,...

സൗദിയിൽ ഉല്പാദിപ്പിക്കുന്ന ഒട്ടക പാലിന് ആഗോള വിപണിയിൽ വൻ ഡിമാന്റ്; ലിറ്ററിന് 20 ഡോളര്‍ വരെ

ആ​ഗോള വിപണി കയ്യടക്കുകയാണ് സൗദിയിൽ ഉല്പാദിപ്പിക്കുന്ന ഒട്ടക പാൽ. രാജ്യത്തെ ഒട്ടക പാലിനും അനുബന്ധ ഉല്പന്നങ്ങൾക്കും ആഗോള വിപണിയിൽ വൻ ഡിമാന്റാണുള്ളത്. അന്താരാഷ്ട്ര വിപണിയിൽ...