ഖത്തറിലെ ഇന്ത്യൻ പ്രവാസികൾക്ക് ഇന്ത്യൻ അംബാസിഡറുമായി സംവദിക്കാം. ഖത്തറിലെ ഇന്ത്യൻ പ്രവാസികൾക്ക് കോൺസുലാർ സംബന്ധിച്ച പരാതികൾ അംബാസിഡർ മുൻപാകെ ബോധിപ്പിക്കുന്നതിന് വേണ്ടിയുള്ള ഖത്തർ ഇന്ത്യൻ എംബസി ഓപൺ ഹൗസ് വ്യാഴാഴ്ച നടക്കും. വ്യാഴാഴ്ച വൈകുന്നേരം മൂന്ന് മണി മുതലാണ് പരിപാടി നടക്കുക. ഖത്തർ ഇന്ത്യന്‍ അംബാസഡര്‍ വിപുല്‍ ഓപണ്‍ ഹൗസിന് നേതൃത്വം നല്‍കും.
വ്യാഴാഴ്ച ഉച്ചയ്ക്ക് രണ്ട് മണി മുതല്‍ മൂന്നു വരെ പ്രവാസികൾക്ക് രജിസ്ട്രേഷൻ നടത്താനുള്ള സൗകര്യമുണ്ടായിരിക്കും. തുടർന്ന് മൂന്ന് മണി മുതല്‍ അഞ്ചു മണി വരെ എംബസിയില്‍ നേരിട്ട് ഹാജരായി ഓപണ്‍ ഹൗസില്‍ പങ്കെടുക്കുകയും ചെയ്യാം. കൂടുതല്‍ വിവരങ്ങള്‍ക്ക് +974 55097295 നമ്പറില്‍ ബന്ധപ്പെടാം. കൂടാതെ ഓപണ്‍ ഹൗസില്‍ പങ്കെടുക്കാന്‍ താല്‍പര്യമുള്ളവര്‍ക്ക് [email protected] എന്ന ഇ-മെയിലിലേക്ക് അപേക്ഷകളൾ സമർപ്പിക്കുകയും ചെയ്യാം.
