ബലിപെരുന്നാൾ നമസ്കാര സമയം പ്രഖ്യാപിച്ച് യുഎഇ

വലിയപെരുന്നാളിനായി ഒരുങ്ങുകയാണ് ഇസ്ലാം മതവിശ്വാസികൾ. ജൂൺ 16നാണ് യുഎഇയിൽ ബലിപെരുന്നാൾ ആഘോഷിക്കുന്നത്. ഈ അവസരത്തിൽ യുഎഇയിലെ വിവിധ എമിറേറ്റുകളിലെ നമസ്കാര സമയം പ്രഖ്യാപിച്ചിരിക്കുകയാണ് യുഎഇ.

ബലിപെരുന്നാൾ പ്രാർത്ഥനാ സമയം ഇപ്രകാരമാണ്
• അബുദാബി സിറ്റി : രാവിലെ 5.50
• അൽഐൻ : രാവിലെ 5.44
• ദുബായ് : രാവിലെ 5.45
• ഷാർജ : രാവിലെ 5.44
• അജ്മാൻ : രാവിലെ 5.44
• ഉമ്മുൽ ഖുവൈൻ : രാവിലെ 5.43
• റാസൽഖൈമ : രാവിലെ 5.41
• ഫുജൈറ : രാവിലെ 5.41

പെരുന്നാൾ ദിനത്തിൽ വിശ്വാസികൾ പ്രത്യേക പ്രാർത്ഥനകൾക്കായി പള്ളികളിലേയ്ക്കും ഈദ് ​ഗാഹുകളിലേയ്ക്കും പോകുകയും വിശുദ്ധ ദിനം ഭക്തിയോടെ ആരംഭിക്കുകയും ചെയ്യും. യുഎഇയിൽ പെരുന്നാളിനോടനുബന്ധിച്ച് ജൂൺ 15 മുതൽ 18 വരെ നാല് ദിവസത്തെ അവധിയാണ് യുഎഇ നിവാസികൾക്ക് ലഭിക്കുക. സ്വകാര്യ , പൊതുമേഖലയിലെ ജീവനക്കാർക്ക് ഈ ദിവസങ്ങളിൽ ശമ്പളത്തോടുകൂടിയ അവധികളാണ് അനുവദിച്ചിരിക്കുന്നത്.