‘ടൂർ ഓഫ് ഒമാൻ’ സൈക്കിളോട്ട മത്സരത്തിന്റെ ഭാഗമായി മത്സരാർഥികൾ കടന്നു പോകുന്ന വിവിധ വഴികളിൽ ഭാഗിക ഗതാഗത നിയന്ത്രണം ഏർപ്പെടുത്തി റോയൽ ഒമാൻ പൊലീസ്. ശനിയാഴ്ച റൂട്ടിനോട് ചേർന്നുള്ള റോഡുകളുടെ ഇരുവശങ്ങളിലുമുള്ള പാർക്കിങും പോലീസ് നിരോധിച്ചിട്ടുണ്ട്. കൂടാതെ വാഹനമോടിക്കുന്നവർ നിർദേശങ്ങൾ കർശനമായി പാലിക്കണമെന്നും റോയൽ ഒമാൻ പൊലീസ് ആവശ്യപ്പെട്ടു.
ദാഖിലിയ ഗവർണറേറ്റിലെ ഒമാൻ അക്രോസ് ഏജസ് മ്യൂസിയത്തിൽ നിന്ന് ശനിയാഴ്ച രാവിലെ 11.20നാണ് മത്സരം തുടങ്ങുന്നത്. മന വിലായത്തിൽ നിന്ന് വാലിയുടെ ഓഫിസ്, സാകിത് റൗണ്ട് എബൗട്ട് വഴി ഇസ്കിയിലെ വിലായത്ത്, റുവാദ് അൽ ഇബ്ദാ സ്കൂൾ, അൽ ഖര്യതയ്ൻ, അൽ ഹമീദ, വാദി അനദം, അൽ ആലിയ, അൽ മസാലിഹ് റോഡുകളിലൂടെ സഞ്ചാരിച്ച് സമായിൽ വിലായത്ത്, മസ്‌കത്ത് ഗവർണറേറ്റിലെ ബിദ്ബിദ് വിലായത്ത് എന്നിങ്ങനെയുള്ള വിവിധ സ്ഥലങ്ങളിലൂടെ കടന്ന് ഒമാൻ കൺവെൻഷൻ ആൻഡ് എക്‌സിബിഷൻ സെൻറർ പരിസരത്ത് സമാപിക്കും.
