ഒമാനിലെ അ​ടു​ത്ത വ​ര്‍ഷ​ത്തേ​ക്കു​ള്ള ഹ​ജ്ജ്​ ര​ജി​സ്​​ട്രേ​ഷ​ൻ ന​ട​പ​ടി​ക​ൾ അവസാനിച്ചു

അ​ടു​ത്ത വ​ര്‍ഷ​ത്തേ​ക്കു​ള്ള ഹ​ജ്ജ്​ ര​ജി​സ്​​ട്രേ​ഷ​ൻ ന​ട​പ​ടി​ക​ൾ ഒമാൻ പൂ​ർ​ത്തി​യാക്കി. ആ​കെ 34,126 അ​പേ​ക്ഷ​ക​ളാ​ണ് ല​ഭി​ച്ച​ത്​. അ​തി​ൽ 31,064 ഒ​മാ​നി​ക​ളും 3,062 പ്ര​വാ​സി​ക​ളും ഉ​ൾ​പ്പെ​ടും. ഈ ​വ​ർ​ഷം ഹ​ജ്ജി​നു​ള്ള അ​പേ​ക്ഷയ്​ക്ക്​ മി​ക​ച്ച പ്ര​തി​ക​ര​ണ​മാണ് ഉണ്ടാ​യ​ത്. ഒ​ക്ടോ​ബ​ർ 22ന് ​ആ​യി​രു​ന്നു ര​ജി​സ്​​​ട്രേ​ഷ​ൻ ന​ട​പ​ടി​ക​ൾ തു​ട​ങ്ങുകയും നവംബർ ആറിന് നടപടികൾ അവസാനിക്കുകയും ചെയ്തു.

അതേസമയം ഈ ​വ​ർ​ഷം ഹജ്ജ് നിർവഹിക്കുന്നതിന് വേണ്ടി അ​പേ​ക്ഷി​ച്ച​വ​രി​ൽ 2.5 ശ​ത​മാ​ന​ത്തി​ന്‍റെ വ​ർ​ധ​ന​വ് ഉണ്ടായിട്ടുണ്ടെന്ന്​ ഔ​ഖാ​ഫ്, മ​ത​കാ​ര്യ മ​ന്ത്രാ​ല​യം അ​റി​യി​ച്ചു. കൂടാതെ മു​ൻ വ​ർ​ഷ​ങ്ങ​ളിലെ പോലെ ഇത്തവണയും ഏ​റ്റ​വും കൂ​ടു​ത​ൽ അ​പേ​ക്ഷ​ക​ർ മ​സ്ക​റ്റിൽ (5,373) നിന്നാണ്. ​ഏറ്റവും കു​റ​വ് (172) മു​സ​ന്ദ​ത്താ​ണ് രേഖപ്പെടുത്തിയിരിക്കുന്നത്. എന്നാൽ എ​ല്ലാ ഗ​വ​ർ​ണ​റേ​റ്റു​ക​ളി​ലും അ​പേ​ക്ഷ​ക​രു​ടെ എ​ണ്ണ​ത്തി​ൽ ഗ​ണ്യ​മാ​യ വ​ർ​ധ​ന​യു​ണ്ടാ​യി​ട്ടു​ണ്ടെ​ങ്കി​ലും ദോ​ഫാ​ർ, മു​സ​ന്ദം, തെ​ക്ക​ൻ ശ​ർ​ഖി​യ എ​ന്നി​വി​ട​ങ്ങ​ളി​ൽ അ​പേ​ക്ഷ​ക​രു​ടെ എ​ണ്ണം വളരെ കു​റ​വാ​ണ്.