ഒമാൻ ദേശീയദിനം പ്രമാണിച്ച് തടവുകാര്‍ക്ക് മോചനം നൽകി. 174 തടവുകാർക്കാണ് സുൽത്താൻ ഹൈതം ബിൻ താരിക് മോചനം നൽകിയത്. റോയൽ ഒമാൻ പൊലീസാണ് ഇക്കാര്യം അറിയിച്ചത്.
മോചനം ലഭിച്ചവരുടെ കൃത്യമായ വിവരങ്ങൾ ലഭ്യമായിട്ടില്ല. എന്നാൽ വിദേശികളും മോചനം ലഭിച്ചവരിൽ ഉൾപ്പടുന്നതായി അധികൃതർ അറിയിച്ചു. വിവിധ കുറ്റകൃത്യങ്ങൾക്ക് തടവ് ശിക്ഷ അനുഭവിച്ചിരുന്നവരാണ് ജയിൽ മോചിതരാകുന്നത്.
നാളെയാണ് (നവംബർ 18) ഒമാനിൻ ദേശീയ ദിനം ആഘോഷിക്കുന്നത്. 54-ാമത് ദേശീയ ദിനമാണ് കൊണ്ടാടുന്നത്. വലിയ ആഘോഷങ്ങളാണ് രാജ്യത്തിന്റെ വിവിധ ഭാഗങ്ങളിൽ സംഘടിപ്പിക്കുന്നത്.
