കുവൈത്തിൽ പുതിയ മന്ത്രിസഭയ്ക്ക് അംഗീകാരം. ഷെയ്ഖ് അഹമ്മദ് അൽ അബ്‌ദുല്ല അസ്സബാഹിൻ്റെ നേതൃത്വത്തിലുള്ള മന്ത്രിസഭയ്ക്കാണ് കുവൈത്ത് അമീർ ഷെയ്ഖ് മിഷ്അൽ അൽ അഹമ്മദ് ജാബർ അസ്സബാഹ് അംഗീകാരം നൽകിയത്. 13 പേരുൾപ്പെട്ട മന്ത്രിസഭയാണ് കുവൈത്തിൽ അധികാരമേൽക്കുന്നത്.
മന്ത്രിമാരുടെ പേരും വകുപ്പുകളും
• ഫഹദ് യൂസുഫ് സൗദ് അസ്സബാഹ് : ആദ്യ ഉപപ്രധാനമന്ത്രി, പ്രതിരോധം, ആഭ്യന്തരം
• ഷെരീദ അബ്‌ദുല്ല അൽ മൗഷർജി : ഉപപ്രധാനമന്ത്രി, ക്യാബിനറ്റ് കാര്യം
• ഡോ.ഇമാദ് മുഹമ്മദ് അൽ അത്തിഖി : ഉപപ്രധാനമന്ത്രി, എണ്ണ
• അബ്‌ദുൽ റഹ്മാൻ ബ്‌ദാഹ് അൽ മുതൈരി : ഇൻഫർമേഷൻ ആന്റ് കൾച്ചറൽ
• ഡോ. അഹമ്മദ് അബ്‌ദുൾവഹാബ് അൽ അവാദി : ആരോഗ്യം
• ഡോ. അൻവർ അലി അൽ മുദാഫ് : ധനകാര്യം, സാമ്പത്തികം, നിക്ഷേപകാര്യം
• ഡോ.അദേൽ മുഹമ്മദ് അൽ അദ്വാനി : വിദ്യാഭ്യാസം, ഉന്നത വിദ്യാഭ്യാസം, ശാസ്ത്രം ഗവേഷണം
• അബ്ദുള്ള അലി അൽ-യഹ്യ : വിദേശകാര്യം
• ഡോ.നൂറ മുഹമ്മദ് അൽ മഷാൻ : പൊതുമരാമത്ത്, മുനിസിപ്പാലിറ്റി
• ഡോ. മുഹമ്മദ് ഇബ്രാഹിം അൽ വാസ്‌മി : നീതിന്യായം, ഔഖാഫ്, ഇസ്ലാമിക കാര്യം
• ഒമർ സൗദ് അൽ ഒമർ:- വാണിജ്യ വ്യവസായം, വാർത്താവിനിമയം.
• ഡോ. മുഹമ്മദ് അബ്‌ദുൽ അസീസ് ബുഷെഹ്‌രി : വൈദ്യുതി, ജലം, ഊർജം, ഭവനകാര്യം
• ഡോ. അംതൽ ഹാദി അൽ ഹുവൈല : സാമൂഹികം, തൊഴിൽ, കുടുംബകാര്യം, യുവജനകാര്യം
