മദീന ഗവർണർ ഫൈസൽ ബിൻ സൽമാൻ രാജകുമാരനുമായി കൂടിക്കാഴ്ച നടത്തി ലുലു ഗ്രൂപ്പ് ചെയർമാൻ എം എ യൂസഫലി. സൗദി ഭരണാധികാരി സൽമാൻ രാജാവിന്റെ മകനാണ് മദീന ഗവർണർ കൂടിയായ ഫൈസൽ ബിൻ സൽമാൻ.
മദീനയിൽ തുടങ്ങുന്ന ലുലു ഹൈപ്പർമാർക്കറ്റിനെപ്പറ്റിയും സൗദി അറേബ്യയിലെ ലുലു ഗ്രൂപ്പിന്റെ ഭാവി നിക്ഷേപ പദ്ധതികളെക്കുറിച്ചും യൂസഫലി ഫൈസൽ ബിൻ സൽമാൻ രാജകുമാരനുമായി ചർച്ച നടത്തി. മദീന ഗവർണർ കാര്യാലയത്തിൽ വെച്ചായിരുന്നു കൂടിക്കാഴ്ച.
പുണ്യ നഗരമായ മദീനയുടെ ചരിത്രം വിവരിക്കുന്ന പുസ്തകമായ “മദീന” ഗവർണർ ഫൈസൽ ബിൻ സൽമാൻ രാജകുമാരൻ യൂസഫലിക്ക് സമ്മാനിച്ചു.
