വാഹനങ്ങൾ തമ്മിൽ കൂട്ടയിടി. കുവൈറ്റിലെ സിക്സ്ത് റിങ് റോഡിലെ 360 കോംപ്ലക്‌സിന് എതിർവശത്തായാണ് സംഭവം. ജഹ്‌റ ഏരിയയിലേക്കുള്ള ആറു വാഹനങ്ങളാണ് ഒന്നിന് പുറകേ ഒന്നായി കൂട്ടിയിടിച്ചത്. പല വാഹനങ്ങളുടെയും മുൻഭാഗത്തിനും പിൻഭാഗത്തിനും കേടുപാടുകൾ സംഭവിച്ചിട്ടുണ്ട്.
അതേസമയം, അപകടത്തിൽപെട്ട വാഹനങ്ങൾ വൈകാതെ തന്നെ നീക്കം ചെയ്തതായി ആഭ്യന്തര മന്ത്രാലയത്തിലെ ജനറൽ അഡ്മിനിസ്ട്രേഷൻ ഓഫ് സെക്യൂരിറ്റി റിലേഷൻസ് ആൻഡ് മീഡിയ അറിയിച്ചു. വാഹനം ഓടിക്കുന്നവർ ഡ്രൈവിങ്ങിൽ പൂർണ ശ്രദ്ധ നൽകണമെന്നും വാഹനങ്ങൾക്കിടയിൽ മതിയായ അകലം പാലിക്കണമെന്നും അധികൃതർ വ്യക്തമാക്കി. കൂടാതെ, സുരക്ഷാ ഉദ്യോഗസ്ഥരുമായി സഹകരിക്കുകയും വേണമെന്നും അധികൃതർ കൂട്ടിച്ചേർത്തു.
