ഗോൾഡന്‍ വിസ, ഗ്രീന്‍ വിസ പദ്ധതികൾക്ക് കൂടുതല്‍ പ്രോത്സാഹനവുമായി ദുബായ്. ദുബായില്‍ ഗോൾഡന്‍വിസയൊ ഗ്രീന്‍ വിസയൊ ഉളളവര്‍ക്ക് പൊലീസിന്‍റെ ഇസാദ് പ്രിവിലേജ് കാര്‍ഡ് സൗജന്യമായി ലഭിക്കുമെന്നാണ് സര്‍ക്കാറിന്‍റെ പുതിയ അറിയിപ്പ്.
ഇസാദ് കാര്‍ഡുളളവര്‍ക്ക് നിരവധി സേവനങ്ങൾക്കും ഇടപാടുകൾക്കും ആനുകൂല്യങ്ങൾ ലഭ്യമാകുമെന്നതാണ് പ്രത്യേകത. ആരോഗ്യം വിദ്യാഭ്യാസം , റിയല്‍ എസ്റ്റേറ്റ്, റസ്്റ്റോറന്‍റ് തുടങ്ങിയ വിവധ ഇടങ്ങളില്‍ ആനുകൂല്യങ്ങൾ പ്രയോജനപ്പെടുത്താനാകും. യുഎഇ ഉൾപ്പടെ 92 രാജ്യങ്ങളില്‍ ഇസാദ് കാര്‍ഡ് പ്രയോജനപ്പെടുത്താനാകും.
യുഎഇയില്‍ മാത്രം 7,237 ബ്രാന്‍ഡുകളും സ്ഥാപനങ്ങളും ഇസാദ് കാര്‍ഡിന് ആനുകൂല്യങ്ങൾ നല്‍കുന്നുണ്ട്. അതേസമയം വിവിധ മേഖലയില്‍ മികവ് പുലര്‍ത്തിയ 65000 പേര്‍ക്ക് ദുബായില്‍ ഗോൾഡന്‍ വിസകൾ നല്‍കിയതായി ദുബായാ മീഡിയ ഓഫീസ് വ്യക്തമാക്കി.
