ദുബായ് ഗ്ലോബൽ വില്ലേജ് അസ്വദിക്കാൻ കാത്തിരിക്കുന്നവർക്ക് സന്തോഷവാർത്ത. കണ്ണഞ്ചിപ്പിക്കും ചാരുതയിൽ സന്ദർശകർക്ക് പുതിയ അനുഭവം പകരുന്ന ദുബായ് ഗ്ലോബൽ വില്ലേജിന്റെ പ്രവർത്തന സമയം നീട്ടി. ഇന്ന് മുതലാണ് ഗ്ലോബൽ വില്ലേജ് കൂടുതൽ സമയം പ്രവർത്തിക്കുക.
വൈകുന്നേരം 4 മണി മുതൽ പുലർച്ചെ 2 മണി വരെ ഗ്ലോബൽ വില്ലേജിലെ കാഴ്ചകൾ സന്ദർശകർക്ക് ആസ്വദിക്കാൻ സാധിക്കും. ഏപ്രിൽ 28-ന് അവസാനിക്കേണ്ടിയിരുന്ന ഗ്ലോബൽ വില്ലേജിന്റെ പ്രവർത്തനം കഴിഞ്ഞ ദിവസം മെയ് 5 വരെ നീട്ടിയിരുന്നു. അതിന് പിന്നാലെയാണ് ആവസാന മൂന്ന് ദിവസത്തെ പ്രവർത്തന സമയവും നീട്ടിയത്.
ഗ്ലോബൽ വില്ലേജിന്റെ പ്രവർത്തനം അവസാന ഘട്ടത്തിലേയ്ക്ക് കടന്നതോടെ നിരവധി സന്ദർശകരാണ് ഇവിടേയ്ക്ക് ഒഴുകിയെത്തുന്നത്. സന്ദർശകരുടെ തിരക്ക് കണക്കിലെടുത്താണ് പ്രവർത്തന സമയത്തിൽ വ്യത്യാസം വരുത്തിയിരിക്കുന്നത്. ഇതോടെ ഇവിടെയെത്തുന്നവർക്ക് കൂടുതൽ സമയം കാഴ്ചകൾ ആസ്വദിക്കാനും സാധിക്കും.
