ദുബായ് മെട്രോ സർവീസുകൾ വാരാന്ത്യത്തിൽ രണ്ട് മണിക്കൂർ നീട്ടുമെന്ന് ദുബായ് റോഡ്‌സ് ആൻഡ് ട്രാൻസ്‌പോർട്ട് അതോറിറ്റി. വേനല്‍ അവധി അവസാനിക്കുകയും സ്കൂൾ തുറക്കുന്നതും പരിഗണിച്ചാണ് ആര്‍ടിഎ തീരുമാനം.
അതോറിറ്റിയുടെ ട്വീറ്റ് അനുസരിച്ച് ഓഗസ്റ്റ് 27, 28 തീയതികളിൽ അർദ്ധരാത്രി മുതൽ അടുത്ത ദിവസം പുലർച്ചെ 2 വരെ സേവനങ്ങൾ നീട്ടും. ഈ സമയങ്ങളിൽ ദുബായ് എയർപോർട്ട് ടെർമിനൽ 3-ൽ നിന്ന് സെന്റർ പോയിന്റ് മെട്രോ സ്റ്റേഷനിലേക്ക് യാത്ര സൗജന്യമായിരിക്കുമെന്നും ആര്‍ടിഎ വ്യക്തമാക്കി.
അവധിയ്ക്ക് നാട്ടിലേക്ക് പോയവരും മറ്റും സ്കൂൾ തുറക്കുന്നത് കണക്കിലെടുത്തി തിരികെയെത്തുന്നുണ്ട്. വാരാന്ത്യത്തില്‍ വിമാനത്താവളത്തിൽ നിന്നുള്ള ഗതാഗതത്തിന് കൂടുതൽ ഡിമാൻഡ് ഉണ്ടാകുന്നത് കണക്കിലെടുത്താണാണ് നടപടിയെന്ന് ആർടിഎ പ്രതിനിധി പറഞ്ഞു. ടാക്‌സി ഉൾപ്പെടെയുള്ള പൊതുഗതാഗതത്തിലൂടെ യാത്രക്കാർക്ക് യാത്ര തുടരാനും അവസരമുണ്ട്.
