ദുബായ് എയർപോർട്ടിലെ കാർഗോ വിഭാഗത്തിലുണ്ടായ വാഹനാപകടത്തിൽ മലയാളി യുവാവ് മരിച്ചു. കാർഗോ വിഭാഗത്തിലെ ജീവനക്കാരനും പാലക്കാട് അംബികാപുരം സ്വദേശിയുമായി മധു മോഹൻ ആണ് മരിച്ചത്. 36 വയസ്സായിരുന്നു.
കഴിഞ്ഞ ദിവസമാണ് അപകടം ഉണ്ടായത്. ജോലിക്കിടെ പാഴ്സൽ കയറ്റി വന്ന വാഹനം ഇടിച്ചാണ് മധുമോഹൻ മരിച്ചതെന്ന് എയർപോർട്ട് അധികൃതർ അറിയിച്ചതായി ബന്ധുക്കൾ പറഞ്ഞു. കഴിഞ്ഞ പത്ത് വർഷമായി മധു കാർഗോ വിഭാഗത്തിലെ ജീവനക്കാരനായിരുന്നു. മൃതദേഹം നാട്ടിലെത്തിക്കാനുളള നടപടികൾ പുരോഗമിക്കുന്നു.
അംബികാപുരം വെങ്കിടേശ്വര കോളനിയിൽ മണിമധു വീട്ടിൽ ഗോപിനാഥൻ്റേയും നിർമലാദേവിയുടെയും മകനാണ് മരിച്ച മധു.ഭാര്യ: അഞ്ജു ചെമ്മങ്ങാട്ട്, മകൻ: അമർനാഥ്.
