എയർ ഇന്ത്യ എക്സ്പ്രസ് പുതിയ സർവീസുകൾ പ്രഖ്യാപിച്ച് . ഹൈദരാബാദിൽ നിന്ന് റിയാദിലേക്കാണ് പുതിയ നേരിട്ടുള്ള സർവീസ്. ഈ റൂട്ടിൽ ആഴ്ചയിൽ നേരിട്ടുള്ള മൂന്ന് സർവീസുകളാകും ഉണ്ടാകുക. തിങ്കൾ, ബുധൻ, വെള്ളി ദിവസങ്ങളാണ് സർവീസ് ഷെഡ്യൂൾ ചെയ്തിരിക്കുന്നത്.
ഹൈദരാബാദിൽ നിന്ന് ഉച്ചയ്ക്ക് 12:05ന് പുറപ്പെടുന്ന വിമാനം സൗദി സമയം വൈകുന്നേരം മൂന്നു മണിക്ക് റിയാദിലെത്തും. വൈകുന്നേരം നാലു മണിക്ക് സൗദിയിൽ നിന്ന് തിരിച്ചുപറക്കുന്ന വിമാനം രാത്രി 11ന് ഹൈദരാബാദിൽ ഇറങ്ങും. എയർ ഇന്ത്യ എക്‌സ്പ്രസിന്റെ മൊബൈൽ ആപ്ലിക്കേഷനിലൂടെയും വെബ്സൈറ്റിലൂടെയും മറ്റ് പ്രധാന ബുക്കിങ് പ്ലാറ്റ്ഫോമുകളിലൂടെയും ടിക്കറ്റ് ബുക്ക് ചെയ്യാം.
അടുത്തിടെ ഹൈദരാബാദിനെയും ദമ്മാമിനെയും ബന്ധിപ്പിക്കുന്ന വിമാന സർവീസിനും എയർ ഇന്ത്യ എക്സ്പ്രസ് തുടക്കമിട്ടിരുന്നു. ഇതോടെ എയർ ഇന്ത്യ എക്‌സ്പ്രസിന് ഹൈദരാബാദിൽ നിന്ന് സൗദി അറേബ്യയിലെ മൂന്ന് പ്രധാന നഗരങ്ങളിലേക്കും സർവീസായി. ജിദ്ദയിലേക്കും ദമ്മാമിലേക്കും നേരിട്ടുള്ള സർവീസുകൾ നേരത്തേയുണ്ട്.
