സീബ്രാ ലൈനിൽ സ്മാർട്ട് സംവിധാനവുമായി ദുബായ്

ദു​ബായിൽ പെ​ഡ​സ്​​ട്രി​യ​ൻ ക്രോ​സി​ങ്ങു​ക​ൾ കൂടുതൽ സ്മാ​ർ​ട്ടാ​ക്കു​ന്നു. പു​തു​താ​യി പ​ത്ത്​ മേ​ഖ​ല​ക​ളി​ൽ​കൂ​ടി പ​ദ്ധ​തി ന​ട​പ്പാ​ക്കാനാണ് തീരുമാനം. 2024ഓ​ടെ മൊ​ത്തം സ്മാ​ർ​ട്ട് സി​ഗ്ന​ലു​ക​ളു​ടെ എ​ണ്ണം 28 ആ​ക്കി ഉയർത്താനും ​ തീ​രു​മാ​നി​ച്ച​തെ​ന്ന്​ ദു​ബൈ റോ​ഡ്​ ഗ​താ​ഗ​ത അ​തോ​റി​റ്റി അറിയിച്ചു.

ഒന്നാം ഘട്ടമായി സ്മാ​ർ​ട്​ സം​വി​ധാ​ന​ങ്ങ​ൾ ഏ​ർ​പ്പെ​ടു​ത്തി​യ കാൽനടപ്പാതകളിൽ അ​പ​ക​ട​ങ്ങ​ൾ കുറഞ്ഞതായാണ് വിലയിരുത്തൽ. സെൻസറുകൾ ഉപയോഗിച്ച് പ്രവർത്തിക്കുന്ന ലൈറ്റ് സിഗ്നൽ സംവിധാനമാണ് സീബ്രാ ലൈനുകളുടെ ഭാഗമായി ഉപയോഗിക്കുന്നത്. ഇ​തി​ലൂ​ടെ കാ​ൽ​ന​ട​യാ​ത്രി​ക​ൻ ക്രോ​സി​ങ്ങി​ൽ പ്ര​വേ​ശി​ക്കു​ന്ന​തി​ന്​ മു​മ്പു​​ത​ന്നെ ലൈ​റ്റ്​ തെ​ളി​യു​ന്ന​താ​ണ്​ രീതി. യാ​ത്ര​ക്കാ​ര​ൻ ക​ട​ന്നു​പോ​കു​ന്ന​തു​ വ​രെ വാഹനങ്ങൾ കടന്നുവരാതെ ചു​വ​ന്ന ലൈ​റ്റ്​ തെ​ളി​ഞ്ഞി​രി​ക്കും.

കാ​ൽ​ന​ട​യാ​ത്ര​ക്കാ​രു​ടെ സു​ര​ക്ഷ​യ്ക്കൊപ്പം ട്രാ​ഫി​ക് സി​ഗ്ന​ൽ പ്രവർത്തനത്തിൻ്റെ കാര്യക്ഷമതയും ആർടിഎ ഉറപ്പാക്കും. റോഡ് മുറിച്ചുകടക്കാൻ കൂ​ടു​ത​ൽ സ​മ​യം ആ​വ​ശ്യ​മു​ള്ള പ്രാ​യ​മാ​യ​വ​ർ, നി​ശ്ച​യ​ദാ​ർ​ഢ്യ വി​ഭാ​ഗ​ത്തി​ലു​ള്ള​വ​ർ, ല​ഗേ​ജു​ക​ളോ പു​ഷ്‌​ചെ​യ​റു​ക​ളോ ഉ​ള്ള വ്യ​ക്തി​ക​ൾ എ​ന്നി​വ​രേയും കണക്കിലെടുത്താണ് സിഗ്നൽ സംവിധാനം പ്രവർത്തിക്കുക.

അ​തോ​ടൊ​പ്പം റോഡ് മുറിച്ചുകടക്കാൻ ആരും ഇ​ല്ലാ​ത്ത സ​മ​യ​ങ്ങ​ളി​ൽ പെ​ഡ​സ്​​ട്രി​യ​ൻ മോ​ഡ് ഒ​ഴി​വാ​ക്കി വാ​ഹ​ന​ങ്ങ​ൾ​ക്ക്​ ക​ട​ന്നു​പോ​കാ​ൻ സൗ​ക​ര്യ​വും ഒ​രു​ക്കും. വി​വി​ധ വ​കു​പ്പു​ക​ളു​മാ​യി സ​ഹ​ക​രി​ച്ച്​ രൂ​പ​പ്പെ​ടു​ത്തി​യ മാ​ന​ദ​ണ്ഡ​ങ്ങ​ൾ അ​ടി​സ്ഥാ​ന​മാ​ക്കി​യാ​ണ്​ പു​തി​യ പാതകളും സ്മാർട്ട്സം​വി​ധാ​ന​ങ്ങളും സ്ഥാപിക്കുകയെന്നു തി​ര​ക്കേ​റി​യ​ സ്ഥ​ല​ങ്ങ​ൾക്ക് പ്രത്യേക പരിഗണന നൽകുമെന്നും ആർടിഎ അറിയിച്ചു.