ദുബായ് ഭരണ കുടുംബത്തിലെ മൂന്ന് തലമുറകൾ, അവർക്കെല്ലാം പ്രിയപ്പെട്ട കുതിരയോടുള്ള സ്നേഹ ബന്ധത്തിന്റെ നിമിഷമായിരുന്നു അത്. യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂമും ദുബായ് കിരീടാവകാശി ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം തന്റെ മകൻ റാഷിദനും ഒന്നിച്ച് ദുബാവി എന്ന റേസ് കുതിരയെ കാണുന്നതിന്റെ മനോഹരമായ വീഡിയോ ഇൻസ്റ്റഗ്രാമിൽ പോസ്റ്റ് ചെയ്തിരുന്നു.
” ദുബാവിയെ കാണാൻ റാഷിദിനെ കൊണ്ടുപോയി. അവൻ കുതിരയെ കണ്ടു, അതിനൊപ്പം സവാരി ചെയ്യാൻ അവൻ ഇഷ്ടപ്പെടുന്നു” എന്ന് ഷെയ്ഖ് ഹംദാൻ വിഡീയോയ്ക്കൊപ്പം കുറിച്ചു.
ദുബാവി ഷെയ്ഖ് ഹംദാന്റെ അടുത്തേക്ക് ഓടി വരുന്നതും വീഡിയോയിൽ കാണാം. ഷെയ്ഖ് ഹംദാൻ കുതിരയ്ക്ക് ഭക്ഷണം കൊടുക്കുമ്പോൾ, റാഷിദ് “ദുബാവി” എന്ന് വിളിക്കുന്നതും കേൾക്കാം.
