യുഎഇ സ്വാറ്റ് ചലഞ്ചിന്റെ അഞ്ചാം പതിപ്പിന് ആതിഥേയത്വം വഹിക്കുമെന്ന് ദുബായ് പോലീസ് . ഫെബ്രുവരി 3 മുതൽ 7 വരെയാണ് സ്വാറ്റ് ചലഞ്ച് നടക്കുന്നത്. മത്സര പരിപാടിയിൽ നിരവധി ടീമുകൾ മത്സരിക്കും.
ഏറെ വെല്ലുവിളി നിറഞ്ഞ രക്ഷാദൗത്യ മത്സരമാണ് SWAT ചലഞ്ച് മത്സരം. ലോകത്തിലെ തന്നെ വിദഗ്ദരുമായി ചേർന്ന് പരിശീലനം നേടാനും മത്സരിക്കാനുമുള്ള അവസരമാണ് യുഎഇ സ്വാറ്റ് ചലഞ്ച് അവസരം നൽകുന്നതെന്ന് യൂണിഫോംഡ് ഡിവിഷൻ മേധാവിയും ലണ്ടൻ പോലീസ് സർവീസ് കാനഡ സൂപ്രണ്ടുമായ സ്കോട്ട് ഗിൽഫോർഡ് കഴിഞ്ഞ ദിവസം അഭിപ്രായപ്പെട്ടിരുന്നു.
എമർജൻസി റെസ്‌പോൺസിനായി ലോകമെമ്പാടുമുള്ള വിദഗ്ധരായ ഓപ്പറേറ്റർമാരുമായി സഹകരിച്ചുള്ള പരിശീലനത്തിലൂടെ പങ്കെടുക്കുന്നവർക്ക് നൂതന ആശയങ്ങൾ, മികച്ച തന്ത്രങ്ങൾ, പുത്തൻ ഉപകരണങ്ങൾ, സാങ്കേതികവിദ്യ എന്നിവയിലെ പുരോഗതികൾ അറിയാനും സ്വായത്തമാക്കാനും സാധിക്കും.
The @DubaiPoliceHQ will host the 5th edition of the #UAE SWAT Challenge scheduled to take place from 3 to 7 February 2024. #Dubai@swat_challenge pic.twitter.com/sNYq9MS9rR
— Dubai Media Office (@DXBMediaOffice) January 22, 2024
