യുഎഇയിൽ നിന്ന് ജിദ്ദയിലേക്കുള്ള എല്ലാ യാത്രക്കാർക്കും ഇൻഫ്ലുവൻസ സർട്ടിഫിക്കറ്റ് നിർബന്ധമാണെന്ന് ഇത്തിഹാദ് എയർവേയ്സ്

യുഎഇയിൽ നിന്ന് ഇത്തിഹാദ് എയർവേസിൽ ജിദ്ദയിലേക്ക് യാത്ര ചെയ്യുന്ന എല്ലാ യാത്രക്കാർക്കും ഇൻഫ്ലുവൻസ വാക്സിനേഷൻ സർട്ടിഫിക്കറ്റ് ഉണ്ടായിരിക്കണമെന്ന് എയർലൈൻ അധികൃതർ.

ഹജ്ജ്, ഉംറ എന്നിവയ്ക്കായി സൗദി അറേബ്യയിലേക്ക് യാത്ര ചെയ്യുന്ന തീർത്ഥാടകർക്ക് നിർബന്ധിത ഇൻഫ്ലുവൻസ വാക്സിൻ യുഎഇ ആരോഗ്യ പ്രതിരോധ മന്ത്രാലയം (MoHAP) പ്രഖ്യാപിച്ചതിന് പിന്നാലെയാണ് ഇത്തിഹാദ് ഈ നിർദ്ദേശം തങ്ങളുടെ യാത്രക്കാർക്കായി നൽകുന്നത്.
ഇനിയൊരു അറിയിപ്പ് ഉണ്ടാകുന്നതുവരെ, അബുദാബിയിൽ നിന്ന് ജിദ്ദയിലേക്ക് യാത്ര ചെയ്യുന്ന എല്ലാ എത്തിഹാദ് എയർവേയ്‌സ് യാത്രക്കാർക്കും ഇൻഫ്ലുവൻസ വാക്‌സിനേഷൻ സർട്ടിഫിക്കറ്റ് ഉണ്ടായിരിക്കണമെന്ന് എയർലൈൻ അധികൃതർ പ്രസ്താവനയിൽ പറയുന്നു.

“ഈ സർട്ടിഫിക്കറ്റ് പേപ്പർ ഹാർഡ് കോപ്പിയിലോ അംഗീകൃത യുഎഇ ഡിജിറ്റൽ ഹെൽത്ത് ആപ്ലിക്കേഷനിലോ യാത്രയ്ക്ക് മുമ്പായി പരിശോധനയ്ക്കായി ചെക്ക്-ഇൻ സമയത്ത് ഹാജരാക്കണമെന്നാണ് നിർദ്ദേശം.”