സൂര്യനെ കുറിച്ച് പഠിക്കുന്നതിനായി ഇന്ത്യ വിക്ഷേപിക്കുന്ന പേടകം ആദിത്യ -1 ന്റെ വിക്ഷേപണ തീയതി ഐഎസ്ആർഒ പുറത്തുവിട്ടു. സെപ്റ്റംബർ 2 ന് ആണ് പേടകം വിക്ഷേപിക്കുക. ശ്രീഹരിക്കോട്ടയിൽ നിന്ന് പകൽ 11.50 നായിരിക്കും വിക്ഷേപണം നടക്കുകയെന്നും ഐഎസ്ആർഒ എക്സിലൂടെ (ട്വിറ്റർ) അറിയിച്ചു.
അതേസമയം ഇന്ത്യയുടെ ആദ്യ സൗര ദൗത്യം ഉടൻ ഉണ്ടാകുമെന്ന് പ്രധാനമന്ത്രിയും ഇസ്രോ ചെയർമാനും നേരത്തേ തന്നെ സൂചന നൽകിയിരുന്നു. മാത്രമല്ല ചന്ദ്രയാൻ 3 ന്റെ വിജയത്തിന് ശേഷം നടത്തിയ അഭിസംബോധനയിലും ഇസ്രോ ചെയർമാൻ ഇത് ആവർത്തിച്ചു. അതേസമയം വിക്ഷേപണം കാണാൻ സാധാരണക്കാർക്കും അവസരം ഒരുക്കിയിട്ടുണ്ട്. ഇതിനുള്ള ബുക്കിംഗ് വിവരങ്ങളും ഇസ്രോ പുറത്ത് വീട്ടിട്ടുണ്ടെന്ന് അധികൃതർ അറിയിച്ചു.
