ആശുപത്രി ബില്ല് അടയ്ക്കാത്തത്തിന്റെ പേരിൽ മൃതദേഹം പിടിച്ച് വയ്ക്കരുത്, മുന്നറിയിപ്പുമായി സൗദിയിൽ ആരോഗ്യ മന്ത്രാലയം 

ആ​ശു​പ​ത്രിയിലെ ബി​ല്ല​ട​ച്ചി​ല്ലെ​ന്ന കാരണത്താൽ മൃ​ത​​ദേ​ഹം പി​ടി​ച്ചു​വയ്ക്കു​ന്ന​തി​ന് എതിരെ മു​ന്ന​റി​യി​പ്പുമായി സൗ​ദി ആ​രോ​ഗ്യ മ​ന്ത്രാ​ലയം. പ​ണം ന​ൽ​കാ​നു​ണ്ടെ​ന്ന കാ​ര​ണം പ​റ​ഞ്ഞ്​ മൃ​ത​ദേ​ഹ​ങ്ങ​ൾ ത​ട​ഞ്ഞു​വയ്ക്കരുത്. കൂടാതെ രോ​ഗി​ക​ളെ വിട്ടയയ്ക്കാതിരിക്കുന്നതും തി​രി​ച്ച​റി​യ​ൽ രേ​ഖ​ക​ൾ വി​ട്ടു​കൊ​ടു​ക്കാ​തി​രി​ക്ക​ലും നി​രോ​ധി​ക്ക​പ്പെ​ട്ട​താ​ണെ​ന്നും ഇത് ഗു​രു​ത​ര നി​യ​മ​ലം​ഘ​ന​മാ​ണെ​ന്നും മ​ന്ത്രാ​ല​യം ‘എ​ക്​​സ്​’ അ​ക്കൗ​ണ്ടി​ൽ പോ​സ്​​റ്റ്​ ചെ​യ്​​ത പ്ര​സ്​​താ​വ​നയിലൂടെ അറിയിച്ചു.

മൃ​ത​ദേ​ഹ​ങ്ങ​ൾ കൈമാറ്റം ചെയ്യുന്നത്, രോ​ഗി​ക​ളു​ടെ​യോ ന​വ​ജാ​ത ​ശി​ശു​ക്ക​ളു​ടെ​യോ ഡി​സ്ചാ​ർ​ജ് എ​ന്നി​വ വ്യ​ക്തി​ക്കോ അ​യാ​ളു​ടെ ര​ക്ഷി​താ​വി​നോ മ​ര​ണ​പ്പെ​ട്ട​യാ​ളു​ടെ ബ​ന്ധു​ക്ക​ൾ​ക്കോ ​​ഉ​ള്ള അ​വ​കാ​ശ​മാ​ണെന്ന് സ്വ​കാ​ര്യ ആ​രോ​ഗ്യ നി​യ​മ​ത്തി​ലെ ആ​ർ​ട്ടി​ക്കി​ൾ 30 ഇൽ പറയുന്നുണ്ട്. ഇ​തി​നായി ​ഏ​തെ​ങ്കി​ലും രീതിയി​ലു​ള്ള സാ​മ്പ​ത്തി​ക ന​ട​പ​ടി​ക്ര​മ​ങ്ങ​ൾ ഉ​പാ​ധി​യാക്കിയിട്ടില്ല.

കൂടാതെ പ​ണ​ത്തി​ന്​ പ​ക​ര​മാ​യി സാ​മ്പ​ത്തി​ക ബോ​ണ്ടു​ക​ളി​ൽ ഒ​പ്പി​ടാ​ൻ നി​ർ​ബ​ന്ധി​ക്കാ​നും ആ​ശു​പ​ത്രി​ക​ൾ​ക്ക്​ അ​ധി​കാ​ര​മി​ല്ലെന്ന് ആരോഗ്യ മന്ത്രാലയം വ്യക്തമാക്കി. അതേസമയം ഇത്തരം ലംഘനങ്ങൾ നടക്കുന്നുണ്ടോ എന്ന് ആ​രോ​ഗ്യ സ്ഥാ​പ​ന​ങ്ങ​ളി​ൽ നി​രീ​ക്ഷ​ണം ന​ട​ത്തു​മെ​ന്നും നി​യ​മ ​ലം​ഘ​ന​ങ്ങ​ളുമായി ബ​ന്ധ​പ്പെ​ട്ട ക​മ്മി​റ്റി​ക​ൾ​ക്ക് റ​ഫ​ർ ചെ​യ്യു​മെ​ന്നും കു​ടി​ശ്ശി​ക പി​രി​ച്ചെ​ടു​ക്കാ​ൻ ആ​രോ​ഗ്യ സ്ഥാ​പ​ന​ത്തി​ന്​ നി​യ​മാ​നു​സൃ​ത ന​ട​പ​ടി​ക​ൾ സ്വീ​ക​രി​ക്കാ​മെ​ന്നും മ​ന്ത്രാ​ല​യം കൂട്ടിച്ചേർത്തു.