രാഹുൽ ഗാന്ധി നയിക്കുന്ന ഭാരത് ജോഡോ യാത്ര കര്‍ണാടകയിലും ആവേശം ഒട്ടും കുറയാതെ മുന്നേറുകയാണെന്നാണ് റിപ്പോര്‍ട്ടുകൾ. പദയാത്രയിൽ ഒപ്പമുള്ള സിദ്ധരാമയ്യ അടക്കമുള്ള സംസ്ഥാനത്തെ കോണ്‍ഗ്രസ് നേതാക്കളിലേക്ക് രാഹുല്‍ ഗാന്ധി ഊർജം പകരുന്ന കൗതുകക്കാഴ്ചകള്‍ സോഷ്യല്‍ മീഡിയയില്‍ വൈറലാകുന്നുമുണ്ട്. തനിക്കൊപ്പം ഓടാന്‍ രാഹുല്‍ ഗാന്ധി കര്‍ണാടക മുന്‍മുഖ്യമന്ത്രി സിദ്ധരാമയ്യയെ പ്രോത്സാഹിപ്പിക്കുന്ന വിഡിയോയ്ക്ക് വലിയ സ്വീകാര്യതയാണ് ലഭിച്ചിരിക്കുന്നത്.
Fit, Fab & Fun! 😁#BharatJodoYatra pic.twitter.com/hb07AMgIfn
— Congress (@INCIndia) October 6, 2022
രാഹുല്‍ ഗാന്ധിയുടെ കൈയും പിടിച്ച് 75 വയസുകാരനായ സിദ്ധരാമയ്യ ഓടുമ്പോള്‍ ചുറ്റുമുള്ളവര്‍ കയ്യടിച്ച് പ്രോത്സാഹിപ്പിക്കുന്നതും ആര്‍പ്പുവിളിക്കുന്നതും വിഡിയോയില്‍ കാണാം.
ഭാരത് ജോഡോ യാത്രയില്‍ കർണാടകയിൽ സോണിയ ഗാന്ധി കൂടി എത്തിയതോടെ കര്‍ണാടകയിലെ കോണ്‍ഗ്രസ് പ്രവര്‍ത്തകര്‍ വലിയ ആവേശത്തിലാണ്. മൈസൂരുവിന് സമീപം നാഗമംഗലയില്‍ നിന്നാണ് സോണിയ ഗാന്ധി യാത്രയില്‍ അണിചേര്‍ന്നത്.
