ഷാർജയിലെ സ്വകാര്യ സ്കൂളുകൾക്ക് നാളെ (വ്യാഴം) മുതൽ നാല് ദിവസം അവധി. ഷാർജ പ്രൈവറ്റ് എജുക്കേഷൻ അതോറിറ്റി അധികൃതരാണ് ഇക്കാര്യം വ്യക്തമാക്കിയത്. നബിദിനവും വാരാന്ത്യ അവധിയും കണക്കാക്കിയാണ് വിദ്യാർത്ഥികൾക്ക് നാല് ദിവസം അവധി ലഭിക്കുക. എമിറേറ്റ്സ് സ്കൂൾ എസ്റ്റാബ്ലിഷ്മെന്റിന് കീഴിലുള്ള പൊതുവിദ്യാലയങ്ങൾക്ക് അവധി ബാധകമല്ല.
നബിദിനത്തോടനുബന്ധിച്ച് ഷാർജ സർക്കാരിന് കീഴിലുള്ള എല്ലാസ്ഥാപനങ്ങൾക്കും വ്യാഴാഴ്ച അവധിയായിരിക്കുമെന്ന് ഷാർജ മാനവവിഭവശേഷി വകുപ്പ് അറിയിച്ചിരുന്നു. നിലവിൽ എമിറേറ്റിൽ മൂന്നു ദിവസത്തെ വാരാന്ത്യ അവധിയാണ് നൽകുന്നത്. ഷാർജയിലെ സ്വകാര്യ സ്കൂളുകൾക്ക് തിങ്കളാഴ്ച ആയിരിക്കും അടുത്ത പ്രവൃത്തിദിവസം.
