മക്കയിലും മദീനയിലും എത്തുന്നവർ മാസ്ക് ധരിക്കണമെന്ന് നിർദേശം. മക്കയിലെ മസ്ജിദുൽ ഹറം പള്ളിയിലും മദീനയിലെ പ്രവാചക പള്ളിയിലും വിശ്വാസികൾ മാസ്ക് ധരിക്കണമെന്ന് പൊതു സുരക്ഷാ വകുപ്പ് ആണ് നിർദേശം നൽകിയത്. സൗദി പൊതു സുരക്ഷാ വകുപ്പിന്റെ എക്സ് പ്ലാറ്റ്ഫോം(ട്വിറ്റർ) പേജിലൂടെയാണ് മാസ്ക് ധരിക്കുന്നതിന്റെ ആവശ്യകതയെ കുറിച്ച് അധികൃതർ വ്യക്തമാക്കിയത്.
അതേസമയം മക്കയിലും മദീനയിലും മാസ്ക് ധരിക്കുന്നത് സന്ദർശകരുടെ ആരോഗ്യ സുരക്ഷയെ മുൻ നിർത്തിയാണ്. കൂടാതെ മറ്റുള്ളവരെ രോഗബാധയിൽ നിന്ന് സംരക്ഷിക്കുകയും ചെയ്യുമെന്നും സുരക്ഷാ വകുപ്പ് കൂട്ടിച്ചേർത്തു.
