മസ്കത്ത് സുൽത്താൻ ഖാബൂസ് സ്ട്രീറ്റിൽ പാർക്കിംഗ് നിയന്ത്രണം ഏർപ്പെടുത്തി. ജൂലൈ 17ന് (തിങ്കൾ) സുൽത്താൻ ഖാബൂസ് സ്ട്രീറ്റിലെ ഇരുവശങ്ങളിലും വാഹനങ്ങൾ പാർക്ക് ചെയ്യുന്നത് നിരോധിച്ചതായി റോയൽ ഒമാൻ പൊലീസാണ് അറിയിച്ചത്.
സുൽത്താൻ ഖാബൂസ് സ്ട്രീറ്റിൽ അൽ ബറാഖ പാലസ് മുതൽ ബുർജ് അൽ സഹ്‌വ റൗണ്ട്എബൗട്ട് (സീബ് വിലായത്തിൽ) വരെയുള്ള മേഖലയിലാണ് നാളെ രാവിലെ പാർക്കിംഗ് നിരോധിച്ചിരിക്കുന്നത്. പാർക്കിങ് നിയന്ത്രണം സംബന്ധിച്ച നിയമങ്ങൾ പൊതുജനങ്ങൾ കർശനമായി പാലിക്കണമെന്നും പൊലീസ് മുന്നറിയിപ്പ് നൽകി.
