അബുദാബിയിലെ ഒരു പ്രധാന റോഡ് ഇന്ന് മുതൽ തിങ്കളാഴ്ച വരെ ഭാഗികമായി അടച്ചിടും. അബുദാബിയിലെ ഇന്റഗ്രേറ്റഡ് ട്രാൻസ്‌പോർട് സെന്റർ ആണ് ഇക്കാര്യം അറിയിച്ചത്. ജൂലൈ 28 വെള്ളിയാഴ്ച രാത്രി 11 മണി മുതൽ ജൂലൈ 31 തിങ്കളാഴ്ച രാവിലെ ആറ് മണി വരെയാണ് അടച്ചിടുക.
അൽ ഷഹാമയിലേക്കും ദുബായിലേക്കുമുള്ള ദിശയിൽ ഖലീഫ സിറ്റിയും റാഹ മാളും കടന്ന് പോകുന്ന റോഡിന്റെ മൂന്ന് വലത് പാതകളാണ് അടച്ചിടുക. വാഹനം ഓടിക്കുന്നവർ ജാഗ്രത പാലിക്കണമെന്നും എല്ലാ നിയമങ്ങളും പാലിക്കണമെന്നും അതോറിറ്റി അറിയിച്ചു.
