സൂപ്പർ താരം നെയ്മർ ജൂനിയർ സൗദി ക്ലബ്ബ് അൽ ഹിലാലുമായി കരാറിലെത്തിയതായി റിപ്പോർട്ടുകൾ. രണ്ട് വർഷത്തേക്കാണ് കരാറെന്നാണ് വിവരം. 160 ദശലക്ഷം യൂറോയാണ് ട്രാൻസ്ഫർ തുക. ഇന്ന് വൈദ്യപരിശോധന നടക്കുമെന്നും റിപ്പോർട്ടുകളുണ്ട്.
ക്രിസ്റ്റ്യാനൊ റൊണാൾഡോക്കും കരീം ബെൻസേമക്കും പിന്നാലെയാണ് ബ്രസീൽ സൂപ്പർ താരം നെയ്മറും സൗദി പ്രൊ ലീഗിലേക്കെന്ന റിപ്പോർട്ടുകൾ വരുന്നത്. പി എസ് ജി വിടാൻ സന്നദ്ധത അറിയിച്ച നെയ്മറെ സൗദി പ്രൊ ലീഗ് ക്ലബ്ബായ അൽ ഹിലാൽ ആണ് സ്വന്തമാക്കുന്നത്.
നെയ്മറുടെ ട്രാൻസ്ഫർ സംബന്ധിച്ച് പി എസ് ജിയും അൽ ഹിലാലും ധാരണയിലെത്തിയതായി പ്രമുഖ ഫുട്ബോൾ ട്രാൻസ്ഫർ നിരീക്ഷകനായ ഫാബ്രിസിയോ റൊമാനോ ട്വീറ്റ് ചെയ്തു. കൈമാറ്റം സംബന്ധിച്ച് ഇരു ക്ലബ്ബുകളും ധാരണയിലെത്തിയെന്നും ട്രാൻസ്ഫറിനായുള്ള നടപടിക്രമങ്ങൾ പൂർത്തിയായി വരുന്നുവെന്നും റൊമാനോ ട്വീറ്റിൽ വ്യക്തമാക്കി. ഒരു വർഷം കൂടി കരാറുണ്ടെങ്കിലും പി എസ് ജി വിടാൻ തീരുമാനിച്ച നെയ്മർ ബാഴ്സലോണയിലേക്ക് തിരികെ പോകാൻ ആഗ്രഹിച്ചെങ്കിലും അത് നടക്കാതെ വന്നതോടെയാണ് സൗദി പ്രൊ ലീഗിലേക്ക് കൂടുമാറാൻ സൂപ്പർ താരം തീരുമാനിച്ചത്. അൽ ഹിലാലിൽ 88 മില്യൺ ഡോളറായിരിക്കും നെയ്മർക്ക് സീസണിലെ പ്രതിഫലം.
Al Hilal are preparing formal documents to be checked on Monday in order to get Neymar Jr deal done 🚨🔵🇧🇷 #Neymar
Player already approved the move, two year contract — lawyers will be on it.
Al Hilal already booked medical tests; waiting for Ney’s camp final green light. pic.twitter.com/EH9VZgeodX
— Fabrizio Romano (@FabrizioRomano) August 14, 2023
