‘വാഹനങ്ങൾക്കുമുണ്ട് ആയുസ്സ്’, പ്ര​വ​ർ​ത്ത​ന​കാ​ല​യ​ള​വ് പ​രി​ശോ​ധി​ക്കു​ന്ന സം​വി​ധാ​നത്തിന് തുടക്കം കുറിച്ച് ദുബായ് 

വാഹനങ്ങൾക്കുമുണ്ട് ആയുസ്സ്. ഞെട്ടല്ലേ… വാഹനങ്ങളുടെ പ്രവർത്തന കാലയളവിനെയാണ് ആയുസ്സ് എന്ന് പറയുന്നത്. യുഎഇയിൽ വാ​ഹ​ന​ങ്ങ​ളു​ടെ ആ​യു​സ്സ് പ​രി​ശോ​ധി​ക്കു​ന്ന സം​വി​ധാ​നം ഏ​ർ​പ്പെ​ടു​ത്തിയിരിക്കുകയാണിപ്പോൾ. വാ​ണി​ജ്യ ആ​വ​ശ്യ​ത്തി​ന് ഉ​പ​യോ​ഗി​ക്കു​ന്ന വാ​ഹ​ന​ങ്ങ​ളു​ടെ പ്ര​വ​ർ​ത്ത​ന​കാ​ല​യ​ള​വ് പ​രി​ശോ​ധി​ക്കു​ന്ന സേ​വ​ന​ത്തി​നാണ് ദുബായ് ആ​ർ.​ടി.​എ തുടക്കം കുറിച്ചിരിക്കുന്നത്. റെ​ന്‍റ്​ എ ​കാ​റു​ക​ളു​ടെ ആ​യു​സ്സാ​ണ് ആ​ദ്യ​ഘ​ട്ട​ത്തി​ൽ ആ​ർ.​ടി.​എ പ​രി​ശോ​ധി​ക്കുക.

വാ​ണി​ജ്യ ആ​വ​ശ്യ​ത്തി​ന് ഉ​പ​യോ​ഗി​ക്കു​ന്ന എ​ല്ലാ വാ​ഹ​ന​ങ്ങ​ൾ​ക്കും ഈ ​സേ​വ​നം പ്ര​യോ​ജ​ന​പ്പെ​ടു​ത്താനാകും. എ​ന്നാ​ൽ, മറ്റ് വാ​ഹ​ന​ങ്ങ​ൾ ഈ ​പ​രി​ശോ​ധ​ന​ക്ക് വി​ധേ​യ​മാ​ക​ണ​മെ​ന്ന നി​ബ​ന്ധ​ന​യി​ല്ലെ​ന്ന്​ ആ​ർ.​ടി.​എ ലൈ​സ​ൻ​സി​ങ്​ ഏ​ജ​ൻ​സി​യു​ടെ സി.​ഇ.​ഒ അ​ബ്​​ദു​ല്ല യൂ​സു​ഫു​ൽ അ​ലി പ​റ​ഞ്ഞു. ഇനി വാ​ഹ​ന ഉ​ട​മ പരിശോധിക്കണമെന്ന് ആവശ്യപ്പെടുകയാണെങ്കിൽ വാ​ഹ​നം പ​രി​ശോ​ധനയ്ക്ക് വിധേയമാക്കാനും കഴിയും.

പ​രി​ശോ​ധ​ന​ക്ക് വി​ധേ​യ​മാ​കു​ന്ന​തി​ലൂ​ടെ വാ​ഹ​ന​ത്തി​ന്‍റെ ആ​യു​സ്സ് വ​ർ​ധി​പ്പി​ക്കാ​ൻ ന​ട​ത്തേ​ണ്ട അ​റ്റ​കു​റ്റ​പ്പ​ണി​ക​ളെ കു​റി​ച്ചു​ള്ള വി​വ​ര​ങ്ങ​ൾ ഉടമകൾക്ക് ല​ഭ്യ​മാ​കും. മാത്രമല്ല, വാഹനങ്ങളുടെ കേ​ടു​പാ​ടു​ക​ളും മ​റ്റും പ​രി​ഹ​രി​ച്ച് കൂ​ടു​ത​ൽ കാ​ലം ഉ​പ​യോ​ഗി​ക്കാ​ൻ ക​ഴി​യു​ന്ന വി​ധത്തിലേക്ക് ആ​യു​സ്സ് വ​ർ​ധി​പ്പി​ക്കാ​ൻ സാ​ധി​ക്കുമെന്ന പ്രത്യേകത കൂടിയുണ്ട് ഈ സംവിധാനത്തിന്. മാ​ന്വ​ൽ ഗി​യ​റു​ള്ള വാ​ഹ​ന​ങ്ങ​ൾ അ​ഞ്ചു വ​ർ​ഷ​ത്തി​ന്​ ശേ​ഷവും ഇ​ല​ക്​​ട്രി​ക്​ വാ​ഹ​ന​ങ്ങ​ൾ ആ​റു വ​ർ​ഷ​ത്തി​ന്​ ശേ​ഷ​വും മാ​റ്റ​ണ​മെ​ന്നാ​ണ്​ നി​ല​വി​ലു​ള്ള നി​യ​മം. ഇ​തി​ൽ കാ​ലാ​വ​ധി ദീ​ർ​ഘി​പ്പി​ക്ക​ണ​മെ​ങ്കി​ൽ ആ​ർ.​ടി.​എ​യു​ടെ പ്ര​ത്യേ​ക അ​നു​മ​തി വേണം.