ഷാർജയിൽ നിന്ന് ഇന്ത്യയിലേക്കും തിരിച്ചും ഏറ്റവും കൂടുതൽ ആളുകൾ യാത്ര ചെയ്തത് കേരളത്തിലെ വിമാനത്താവളങ്ങൾ വഴിയെന്ന് കണക്കുകൾ. ഡിജിസിഎയാണ്കണക്ക് പുറത്ത് വിട്ടത്. ജൂലൈ മുതൽ സെപ്റ്റംബർ വരെ ഷാർജ-തിരുവനന്തപുരം റൂട്ടിൽ 1.16 ലക്ഷം പേർ യാത്ര ചെയ്തിട്ടുണ്ട്. രണ്ടാം സ്ഥാനത്തു കൊച്ചിയും(88689) മൂന്നാം സ്ഥാനത്തു ഡൽഹിയുമാണുള്ളത്( 77859).
ഒരു മാസത്തിൽ ശരാശരി 39000 പേരാണ് നിലവിൽ തിരുവനന്തപുരം-ഷാർജ റൂട്ടിൽ യാത്ര ചെയ്യുന്നത്. കഴിഞ്ഞ വർഷത്തെ അപേക്ഷിച്ച് 10% വർധനവ് ഉണ്ടായിരുന്നു. ശരാശരി എടിഎമ്മുകൾ(എയർ ട്രാഫിക് മൂവ്മെന്റ്) 240 ആണ്. എയർ അറേബ്യ പ്രതിദിനം 2 സർവീസുകളും എയർ ഇന്ത്യ എക്സ്പ്രസ്സ്‌, ഇൻഡിഗോ എന്നിവർ ഓരോ സർവീസുകളും ഈ റൂട്ടിൽ നടത്തുന്നുണ്ട്. എല്ലാ ഗൾഫ് രാജ്യങ്ങളിലേക്കുമുള്ള കണക്ടിവിറ്റിയുമാണ് തിരുവനന്തപുരം-ഷാർജ റൂട്ടിനെ കൂടുതൽ ജനപ്രിയമാക്കുന്നത്.
