മുകേഷ് അംബാനിയുടെ മകൾ ഇഷ അംബാനിയ്ക്ക് ലോസ് ആഞ്ചലസിൽ ഒരു വീടുണ്ടായിരുന്നു. ഇക്കഴിഞ്ഞ ദിവസങ്ങളിൽ ആ വീട് അങ്ങ് വിറ്റു. 38000 ചതുരശ്ര അടിയുള്ള ആഡംബര വീട്ടിൽ 12കിടപ്പുമുറികളുണ്ട്. ജിമ്മും സ്പായും സലൂണും ഇൻഡോർ ബാഡ്മിന്റൺ കോർട്ടുമൊക്കെയായി വിവിധ സൗകര്യങ്ങളാണ് ഈ വീട്ടിൽ ഒരുക്കിയത്. ഈ വീട് വിറ്റത് 500 കോടിയ്ക്കാണെന്നാണ് റിപ്പോർട്ട്.
ഈ വീട് വിറ്റതിലും വാർത്തയായത് ആര് വാങ്ങി എന്നറിഞ്ഞപ്പോഴാണ്! ലോക പ്രശസ്ത അമേരിക്കൻ ഗായികയും നർത്തകിയും അഭിനേത്രിയുമൊക്കെയായ ജെന്നിഫർ ലോപസും പങ്കാളി ബെൻ അഫ്ലെക്കുമാണ് ഇഷ അംബാനിയുടെ വീട് വാങ്ങിയത്. ഡ്രൈവ് ബെവർലി ഹിൽസിലെ വാലിങ്ഫോഡിലാണ് ഇഷയും ഭർത്താവ് ആനന്ദ് പിരമലും ലോസ് ആഞ്ചലസിൽ വീട് വാങ്ങിയിരുന്നത്.
റിപ്പോർട്ടുകൾ പ്രകാരം 2022-ൽ ഇഷാ അംബാനി തൻ്റെ ഗർഭകാലം ചിലവഴിച്ചത് ഈ ബംഗ്ലാവിലാണ്. മുകേഷ് അംബാനിയുടെ ഭാര്യയും ഇഷ അംബാനിയുടെ അമ്മയുമായ നിത അംബാനിയും അവരുടെ ഗർഭിണിയായ മകൾക്കൊപ്പം ഇവിടെ താമസിച്ചിരുന്നു. ലോസ് ഏഞ്ചൽസിലെ ബെവർലി ഹിൽസ് ഏരിയയിൽ 5.2 ഏക്കറിൽ പരന്നു കിടക്കുന്നതാണ് അംബാനിമാരുടെ കൂറ്റൻ ബംഗ്ലാവ്.
