സ​മൂ​ഹ മാ​ധ്യ​മ​ങ്ങ​ളി​ലൂ​ടെ വ്യാജ പ്ര​മോ​ഷ​ൻ, ജാഗ്രത നിർദേശവുമായി ഒമാൻ എയർ 

ഒമാന്റെ ദേ​ശീ​യ വി​മാ​ന കമ്പനിയായ ഒമാൻ എയറിന്റെ പേരിൽ വ്യാജ പ്ര​മോ​ഷ​ൻ. പ്രത്യേക ഓഫറുകൾ പ്രഖ്യാപിച്ചു എന്ന പേരിൽ സമൂഹ മാധ്യമങ്ങളിൽ വരുന്ന വ്യാജ പരസ്യങ്ങൾ വിശ്വസിക്കരുതെന്ന് വിമാന കമ്പനി നിർദേശം നൽകി. ഔ​ദ്യോ​ഗി​ക അ​ക്കൗ​ണ്ടു​ക​ളി​ലൂ​ടെ മാ​ത്ര​മാ​ണ്​ പ്ര​മോ​ഷ​ന​ൽ പ്ര​വ​ർ​ത്ത​ന​ങ്ങ​ൾ നടത്താറുള്ളൂ എന്നും ഒ​മാ​ൻ എ​യ​ർ അ​റി​യി​ച്ചു.

സ​മൂ​ഹ മാ​ധ്യ​മ​ങ്ങ​ളി​ലൂ​ടെ ന​ട​ക്കു​ന്ന വ്യാ​ജ പ്ര​മോ​ഷ​ന​ൽ പ്ര​വ​ർ​ത്ത​ന​ങ്ങ​ൾ ശ്ര​ദ്ധ​യി​ൽ​പെ​ട്ട​തോ​ടെ​യാ​ണ്​ അ​ധി​കൃ​ത​ർ ഇ​ക്കാ​ര്യം വ്യ​ക്ത​മാ​ക്കി​യ​ത്. ത​ട്ടി​പ്പു​ക​ൾ​ക്കെ​തി​രെ ജാ​ഗ്ര​ത പാ​ലി​ക്ക​ണ​മെ​ന്നും ഒ​മാ​ൻ എ​യ​ർ യാ​ത്ര​ക്കാ​ർ​ക്ക്​ മു​ന്ന​റി​യി​പ്പു ന​ൽ​കി. ഒ​മാ​ൻ എ​യ​റു​മാ​യി ബ​ന്ധ​മു​ണ്ടെ​ന്ന് അവകാശ വാദവുമായി കോം​പ്ലി​മെ​ന്‍റ​റി​ക​ളും വ​ൻ ഇ​ള​വി​ൽ എ​യ​ർ​ലൈ​ൻ ടി​ക്ക​റ്റു​ക​ളും വാ​ഗ്ദാ​നം ചെ​യ്ത് ഉ​പ​യോ​ക്താ​ക്ക​ളെ പ​റ്റി​ക്കു​ന്ന വ്യാ​ജ അ​ക്കൗ​ണ്ടി​ന്‍റെ സാ​ന്നി​ധ്യം എ​യ​ർ​ലൈ​ൻ അ​ധി​കൃ​ത​ർ അ​ടു​ത്തി​ടെയാണ് ക​ണ്ടെ​ത്തി​യത്.

അതേസമയം അ​നൗ​ദ്യോ​ഗി​ക സോ​ഷ്യ​ൽ മീ​ഡി​യ അ​ക്കൗ​ണ്ടു​ക​ളി​ലൂ​ടെ എ​യ​ർ​ലൈ​ൻ ടി​ക്ക​റ്റ് വി​ൽ​പ​ന​യോ പ്ര​മോ​ഷ​നു​ക​ളോ ഒ​മാ​ൻ എ​യ​ർ ന​ട​ത്തു​ന്നി​ല്ല. എ​യ​ർ​ലൈ​നി​ന്‍റെ ഔ​ദ്യോ​ഗി​ക വെ​ബ്‌​സൈ​റ്റ് ആയ omanair. com ഉ​ൾ​പ്പെ​ടെ പ​രി​ശോ​ധി​ച്ചതിന് ശേഷം മാത്രമേ ടി​ക്ക​റ്റു​ക​ളും പ്ര​മോ​ഷ​ന​ലു​ക​ളും സ്ഥി​രി​ക​രി​ക്കാവൂ. ഒ​മാ​ൻ എ​യ​ർ ഔ​ദ്യോ​ഗി​ക​മാ​യി അം​ഗീ​ക​രി​ക്കാ​ത്ത അ​ക്കൗ​ണ്ടു​ക​ളി​ലേ​ക്ക് വ്യ​ക്തി​ഗ​ത വി​വ​ര​ങ്ങ​ളോ സാ​മ്പ​ത്തി​ക​ ഇ​ട​പാ​ടു​ക​ളോ ന​ട​ത്ത​രു​തെ​ന്നും അ​ധി​കൃ​ത​ർ മു​ന്ന​റി​യി​പ്പു ന​ൽ​കി.