ചെന്നൈയിൽ നിന്ന് ദുബായിലേക്കുള്ള എമിറേറ്റ്‌സിൻ്റെ വിമാനം വൈകി പറന്നത് രണ്ട് മണിക്കൂറിലധികം. സാങ്കേതിക തകരാറിനേത്തുടർന്ന് ഇന്നലെയാണ് വിമാനം വൈകിയത്.
ഇന്നലെ വൈകുന്നേരം ചെന്നൈയിൽ നിന്ന് ദുബായിലേക്കുള്ള എമിറേറ്റ്സ് ഇകെ 547 വിമാനമാണ് സാങ്കേതിക തകരാർ മൂലം വൈകി പറന്നത്. ഇതേത്തുടർന്ന് യാത്രക്കാർ അക്ഷമരായെങ്കിലും രണ്ട് മണിക്കൂറിലധികം നീണ്ട പരിശോധനകൾക്ക് ശേഷം വിമാനം ദുബായിലേക്ക് പറക്കുകയായിരുന്നു.
യാത്രക്കാരുടെയും ജീവനക്കാരുടെയും സുരക്ഷയ്ക്കാണ് തങ്ങൾ പ്രാധാന്യം നൽകുന്നതെന്നും എമിറേറ്റ്സ് വിമാനത്തിലുണ്ടായ അസൗകര്യത്തിൽ ക്ഷമ ചോദിക്കുന്നതായും യാത്രക്കാരോട് എയർലൈൻസ് അധികൃതർ പറഞ്ഞു.
