യുഎഇ ഫെഡറൽ സർക്കാർ ജീവനക്കാർക്കുള്ള ഈദുൽ ഫിത്തർ അവധി പ്രഖ്യാപിച്ചു. ചന്ദ്രക്കല ദർശനത്തെ ആശ്രയിച്ച് രാജ്യത്തെ പൊതുമേഖലാ ജീവനക്കാർക്ക് നാലോ അഞ്ചോ ദിവസത്തെ നീണ്ട ഇടവേള ലഭിക്കാൻ സാധ്യതയുണ്ട്. യുഎഇയുടെ ഫെഡറൽ അതോറിറ്റി ഫോർ ഗവൺമെൻ്റ് ഹ്യൂമൻ റിസോഴ്‌സ് (എഫ്എഎച്ച്ആർ) പ്രകാരം റമദാൻ 29 മുതൽ ശവ്വാൽ 3 വരെയാണ് ഈദ് അൽ ഫിത്തർ അവധി പ്രഖ്യാപിച്ചത്.
ശവ്വാൽ ചന്ദ്രൻ്റെ ദർശനത്തെ ആശ്രയിച്ച് ഈദ് അൽ ഫിത്തർ അവധി ഏപ്രിൽ 20 വ്യാഴാഴ്ച മുതൽ ആരംഭിച്ച് ഏപ്രിൽ 23 ഞായറാഴ്ച വരെ നീണ്ടുനിൽക്കും. പതിവ് പ്രവൃത്തി സമയം ഏപ്രിൽ 24 തിങ്കളാഴ്ച പുനരാരംഭിക്കുമെന്നും അതോറിറ്റി വ്യക്തമാക്കി.
ഇൻ്റർ നാഷണൽ ആസ്ട്രോണമിക്കൽ സെൻ്റർ പറയുന്നതനുസരിച്ച് മിക്ക ഇസ്ലാമിക രാജ്യങ്ങളിലും ഈദ് അൽ ഫിത്തറിൻ്റെ ആദ്യ ദിവസം ഏപ്രിൽ 21 വെള്ളിയാഴ്ച വരുമെന്ന് പ്രതീക്ഷിക്കുന്നെന്നാണ്. ഈദിൻ്റെ തീയതികൾ സ്ഥിരീകരിക്കാൻ യുഎഇയുടെ ചന്ദ്രക്കാഴ്ച കമ്മിറ്റി റമദാൻ 29 രാത്രി യോഗം ചേരുമെന്നും അറിയിപ്പുണ്ട്.
ചന്ദ്രക്കല കാണുന്ന സമയത്തെ ആശ്രയിച്ച് ഇസ്ലാമിക മാസങ്ങൾ 29 അല്ലെങ്കിൽ 30 ദിവസം നീണ്ടുനിൽക്കും. യുഎഇയിലെ ഔദ്യോഗിക ഈദ് അൽ ഫിത്തർ അവധി റമദാൻ 29 മുതൽ ഷവ്വാൽ 3 വരെയാണ്. റമദാൻ 29 ഏപ്രിൽ 20 ന് ചന്ദ്രനെ കാണുന്നതിനാൽ ഇടവേളയുടെ ആരംഭ തീയതി ആശ്രയിക്കുന്നില്ല. ആ രാത്രിയിൽ ചന്ദ്രനെ കണ്ടാൽ, ഏപ്രിൽ 20 വ്യാഴാഴ്ച മുതൽ ഏപ്രിൽ 23 ഞായർ വരെയാണ് ഇടവേള.
