മൂന്നാമത്തെ കുഞ്ഞുമൊത്തുള്ള മനോഹരമായ ചിത്രങ്ങൾ പങ്കുവച്ച് ദുബായ് കിരീടാവകാശി ശൈഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം. മൂന്നാമത്തെ കുട്ടിയായ മുഹമ്മദിനൊപ്പമുള്ള ചിത്രങ്ങൾ ഇൻസ്റ്റാഗ്രാമിലൂടെയാണ് അദ്ദേഹം പങ്കുവച്ചത്. ആദ്യ ചിത്രത്തിൽ കുഞ്ഞിന്റെ കൈയിൽ പിടിച്ചിരിക്കുന്ന ശൈഖ് ഹംദാന്റെ കൈയാണ് കാണുക.
രണ്ടാമത്തെ ചിത്രത്തിൽ ശൈഖ് ഹംദാൻ തന്റെ മൂന്നാമത്തെ കുഞ്ഞിനെ പിടിച്ച് കുഞ്ഞിന്റെ തലയിൽ മുത്തം നൽകുന്നതായും കാണാം. കുഞ്ഞിന്റെ സ്വകാര്യതയ്ക്കായി കുഞ്ഞ് മുഹമ്മദിന്റെ മുഖം നീല നിറമുള്ള ഹൃദയ ചിന്ഹത്താൽ മൂടപ്പെട്ടിട്ടുണ്ട്. വെളുത്ത നിറത്തിലുള്ള വസ്ത്രമാണ് കുഞ്ഞ് ധരിച്ചിരിക്കുന്നത്. ആനിമേറ്റഡ് വനത്തിൽ കാർട്ടൂൺ മൃഗങ്ങളുടെ ചിത്രങ്ങളുള്ള എംബ്രോയ്ഡറി ചെയ്ത ഒരു ബെഡ്ഷീറ്റിലാണ് കുഞ്ഞിനെ കിടത്തിയിരിക്കുന്നത്.
ഈ വർഷം ഫെബ്രുവരി 25 നാണ് ശൈഖ് ഹംദാന് മൂന്നാമത്തെ കുഞ്ഞ് ജനിച്ചത്. മുഹമ്മദ് ബിൻ ഹംദാൻ ബിൻ മുഹമ്മദ് അൽ മക്തൂം എന്നാണ് കുഞ്ഞിന് നൽകിയ പേര്. അടുത്തിടെ ദുബായ് രാജകുടുംബത്തിന്റെ മൂന്ന് തലമുറകൾ എന്ന അടിക്കുറിപ്പോടെ ദുബായ് ഭരണാധികാരിയായ ശൈഖ് മുഹമ്മദും ശൈഖ് ഹംദാനും കുഞ്ഞുമൊത്തുള്ള ഹൃദയസ്പർശിയായ ചിത്രങ്ങൾക്ക് പങ്കുവച്ചിരുന്നു.
