തിരക്ക് കൂടണ്ട, ദുബായ് ഗ്ലോബൽ വില്ലേജ് സീസൺ 28 മെയ് 5ന് അവസാനിക്കില്ല. സീസൺ 28 മൂന്ന് ദിവസത്തേക്ക് കൂടി നീട്ടുന്നതായി ദുബായിലെ ഗ്ലോബൽ വില്ലേജ് ശനിയാഴ്ച അറിയിച്ചു.
സന്ദർശകരുടെ കുത്തൊഴുക്ക് കാരണം സീസൺ ഇപ്പോൾ 2024 മെയ് 8 ബുധനാഴ്ചവരെയാണ് നീട്ടിയിരിക്കുന്നത്. ജനപ്രിയ ഫെസ്റ്റിവൽ പാർക്ക് ഏപ്രിൽ 28-ന് അടയ്ക്കേണ്ടതായിരുന്നു, എന്നാൽ പിന്നീട് മെയ് 5 വരെ നീട്ടി. ഇപ്പോൾ, വീണ്ടും നീട്ടിയിരിക്കുകയാണ്.
വൈകുന്നേരം 4 മണി മുതൽ പുലർച്ചെ 2 മണി വരെ നീണ്ട സമയങ്ങളിൽ പാർക്ക് സന്ദർശകരെ സ്വാഗതം ചെയ്യും. 12 വയസ്സിന് താഴെയുള്ള കുട്ടികൾക്ക് പ്രവേശനം സൗജന്യമാണ് എന്നറിയാമല്ലോ. 250-ലധികം ഭക്ഷണശാലകൾ, 200 റൈഡുകളും, 27 പവലിയനുകളിൽ നിന്നുള്ള അതുല്യമായ ഷോപ്പിംഗ് അനുഭവങ്ങൾ, ഗെയിമുകൾ എന്നിവ ഗ്ലോബൽ വില്ലേജിൽ സന്ദർശകർക്കായി ഒരുക്കിവച്ചിട്ടുണ്ട്.
