പ്രവാസികളുടെ ഇഷ്ട ഇടമാണ് ദുബായ്. അതുകൊണ്ട് തന്നെ തൊഴിൽ തേടിയും നിക്ഷേപത്തിനുമായി ദുബായ് ലക്ഷ്യമാക്കി വരുന്നത് നിരവധി പ്രവാസികളാണ്.
അതുകൊണ്ട് തന്നെ ദുബായിൽ താമസമാക്കുന്ന വിദേശികളുടെ എണ്ണത്തിൽ ഗണ്യമായ വർധന രേഖപ്പെടുത്തി. കഴിഞ്ഞ ജനുവരി മുതൽ മാർച്ച് വരെയുള്ള മൂന്നുമാസങ്ങളിൽ 25,776 പേരാണ് ദുബായിലേക്കെത്തിയത്.
കഴിഞ്ഞവർഷത്തെ ഇതേസമയത്തെ അപേക്ഷിച്ച് പ്രവാസികളുടെ എണ്ണത്തിലെ വർധനയുടെ തോത് കൂടിയെന്ന് ദുബായ് സ്റ്റാറ്റിസ്റ്റിക്സ് സെന്ററിന്റെ ഏറ്റവും പുതിയ റിപ്പോർട്ട് വ്യക്തമാക്കുന്നു.
സമ്പന്നരായ ഒട്ടേറെപ്പേർ നിക്ഷേപത്തിന് ദുബായിയെ തിരഞ്ഞെടുക്കുന്നതിന് പുറമേ ഗോൾഡൻ വിസ, സിൽവർ വിസ എന്നിവയടക്കമുള്ള പുതിയ റെസിഡൻസി പദ്ധതികളും വിദേശികളെ ആകർഷിക്കുന്നു. വരുവർഷങ്ങളിലും പ്രവാസികളുടെ എണ്ണം കൂടുമെന്നാണ് റിപ്പോർട്ട്.
