ദുബായിലെ ഏറ്റവും വലിയ ഷോപ്പിംഗ് വീക്കെൻഡിൽ സൂപ്പർ സെയിൽ പ്രഖ്യാപിച്ചു. മൂന്ന് ദിവസത്തെ സൂപ്പർ സെയിൽ മെയ് 26 മുതൽ 28 വരെ നടക്കും. നഗരത്തിലുടനീളമുള്ള ഔട്ട്‌ലെറ്റുകളിലും മാളുകളിലുമുള്ള ബ്രാൻഡുകൾക്ക്‌ 90 ശതമാനം വരെ കിഴിവ് ലഭിക്കും. ദുബായ് ഫെസ്റ്റിവൽസ് ആൻഡ് റീട്ടെയിൽ എസ്റ്റാബ്ലിഷ്‌മെന്റ് (DFRE) സംഘടിപ്പിക്കുന്ന സീസണൽ ഷോപ്പിംഗ് ഇവന്റിൽ ഫാഷൻ, സൗന്ദര്യം, ജീവിതശൈലി, ഫർണിച്ചർ, ഇലക്ട്രോണിക്‌സ് എന്നിവയും അതിലേറെയും സംബന്ധിച്ച ഡീലുകൾ ഉൾപ്പെടുന്നു.
മാൾ ഓഫ് എമിറേറ്റ്‌സ്, സിറ്റി സെന്റർ മിർദിഫ്, സിറ്റി സെന്റർ ദെയ്‌റ, സിറ്റി സെന്റർ മെയ്‌സെം & സിറ്റി സെന്റർ അൽ ഷിന്ദാഗ, ദുബായ് ഫെസ്റ്റിവൽ സിറ്റി മാൾ, ദുബായ് ഫെസ്റ്റിവൽ പ്ലാസ, നഖീൽ മാൾ, ഇബ്ൻ ബത്തൂട്ട, സർക്കിൾ മാൾ, മെർകാറ്റോ എന്നീ ഷോപ്പിംഗ് സെന്ററുകളാണ് സൂപ്പർ സെയിലിൽ ഉൾപ്പെടുന്നത്. കൂടാതെ ടൗൺ സെന്റർ, ദി ബീച്ച്, ബ്ലൂവാട്ടേഴ്സ്, സിറ്റി വാക്ക്, ദി ഔട്ട്ലെറ്റ് വില്ലേജ് എന്നിവിടങ്ങളിലും കിഴിവ് ലഭിക്കും.
കിഴിവ് ലഭിക്കുന്ന ബ്രാൻഡുകളിൽ കിക്കോ മിലാനോ, സെഫോറ, ബാത്ത് & ബോഡി വർക്ക്സ്, അഹമ്മദ് സെദ്ദിഖി, റിവോലി, ഹോംസ് ആർ അസ്, ഐകിയ, ജഷൻമാൽ, മാർക്ക്സ് ആൻഡ് സ്പെൻസർ, ലാക്കോസ്റ്റ്, ബെറ്റർ ലൈഫ്, ഷറഫ് ഡിജി, ആൽഡോ, അൽ ജാബർ ഒപ്റ്റിക്കൽ എന്നിവ ഉൾപ്പെടുന്നു.
